Popular Bible Verses from शधाणूं 2

Share

पतरासै बोलअ तिन्‍नां लै, “आपणैं पापो प्राश्त करा संघा लआ तम्हैं सोभै आपणैं-आपणैं पाप माफी लै मसीहा ईशूए नाओंऐं डुबकी, तै भेटणीं तम्हां पबित्र आत्मां ज़ुंण परमेशरो दान आसा।

तेखअ तिंयां सोभ लागै शधाणूं का शिक्षा लंदै, संगती, प्रभू भोज़ा करदै अर हर धैल़ै प्राथणां करदै लागी।

तिंयां सोभ भर्हुऐ पबित्र आत्मां करै, ज़ुंण बरदान पबित्र आत्मां तिन्‍नां लै दैनै तेते साबै लागै तिंयां होरी-होरी बोली दी गल्‍ला करदै।

हेरा-हेरी हुई सरगा का एक ढिश-बागरी ज़ेही छ़ेल़ अर ज़ेऊ घअरै तिंयां बेठै दै तै सह सारअ घअर बज़ेर्हूअ। तिन्‍नां का शुझुई आगीए लुपल़ै ज़ेही ज़िभा निखल़दी अर तिन्‍नां मांझ़ै हरेकी प्रैंदै एछदी। तिंयां सोभ भर्हुऐ पबित्र आत्मां करै, ज़ुंण बरदान पबित्र आत्मां तिन्‍नां लै दैनै तेते साबै लागै तिंयां होरी-होरी बोली दी गल्‍ला करदै।

हर धेल्‍लै हआ तै तिंयां भबनै कठा अर घअरै-घअरै प्रभू भोज़ करदी नंद अर भलै मन्‍नैं खाआ तै रोटी। तिंयां सोभ करा तै परमेशरे स्तोती अर सोभ लोग तै तिन्‍नां करै खुश अर ज़सरअ उद्धार हआ त, तिन्‍नां ज़ोल़ा त हर धैल़ै प्रभू तिन्‍नां संघै।

परमेशर बोला इहअ ‘खिरीए धैल़ी’ हणअ इहअ, ‘मुंह दैणीं आपणीं आत्मां सोभी लै, थारै शोहरू-शोहरी करनी मेरी गल्‍ला प्रगट, थारै प्रोढै मणछा हणैं सुपनै अर ज़ुआन मणछा हणैं धैन।

तिंयां सोभ विश्वास करनै आल़ै रहा तै कठा, अर तिन्‍नें सोभ च़िज़ा बी हआ ती कठा। तिंयां करा तै आपणीं-आपणीं ज़ैदात अर समान बेच़ी-बेच़ी ज़ेही ज़सरी ज़रुरत हआ ती तेही बांडी।

“‘पर ज़ुंण बी प्रभू का मज़त मांगे, सह जाणअ बच़ी।’

ज़ेभै मुंह बिधाते सह महान अर सिध्द धैल़ी एछणी, सुरज़ फिरनअ न्हैरअ अर ज़ोथ हणीं लोहू ज़ेही लाल।’