1
2 थिस्सलूणी 2:3
बाघली सराज़ी बोली दी पबित्र शास्त्र
OSJ
लोगे इना एही झ़ुठी गल्लो विश्वास करी निं कबाता पल़ी। किल्हैकि मसीहा फिरी एछणैं का आजी एछणअ इहअ बगत तेभै हणैं खास्सै मणछ परमेशरे द्रोही। ज़हा कदुष्टो परमेशरा न्हैरी जम्परी बनाश करनअ, सह हणअ तेभै प्रगट।
Compare
Explore 2 थिस्सलूणी 2:3
2
2 थिस्सलूणी 2:13
भाईओ, तम्हां लागा हर बगत परमेशरो शूकर करनअ, तम्हां लै करा प्रभू झ़ूरी किल्हैकि परमेशरै आसा पैहलै ई तम्हैं पबित्र आत्मां करै पापा का दूर किऐ दै अर सत्ता दी थारै विश्वास करनै पिछ़ू उद्धार हणां लै छ़ांटै दै।
Explore 2 थिस्सलूणी 2:13
3
2 थिस्सलूणी 2:4
तेऊ करनअ परमेशरो अर तिन्नां सोभी गल्लो बरोध ज़ेता लोग पूज़ा अर देअ बोला। तेऊ बोल़णअ इहअ कि सह आसा इना सोभी का महान। होर ता होर तेऊ कदुष्टा बोल़णअ परमेशरे भबनै बेशी सोभी का कि सह आसा आप्पू ई परमेशर।
Explore 2 थिस्सलूणी 2:4
4
2 थिस्सलूणी 2:16-17
हाम्हैं करा आपणैं प्रभू ईशू मसीहा अर म्हारै बाब परमेशरा का प्राथणां ज़ुंण हाम्हां लै झ़ूरी करा अर सह ज़सरअ जश हाम्हां लै सदा लै हैअ अर पाक्की आशा दैआ। हुंह करा प्राथणां कि परमेशर तम्हां लै हैअ दैए अर तम्हां लै एही तागत दैए कि तम्हैं हर बगत भली गल्ला करदै अर खोज़दै रहे।
Explore 2 थिस्सलूणी 2:16-17
5
2 थिस्सलूणी 2:11
तैही छ़ाडणीं परमेशरा एही शगती ज़ुंण तिन्नां सत्ता का कबाता पाए अर तिंयां झ़ुठी गल्ला दी विश्वास करे।
Explore 2 थिस्सलूणी 2:11
6
2 थिस्सलूणी 2:9-10
ज़ेभै परमेशरो दुशमण सह कदुष्ट प्रगट हणअ, तेऊ लै दैणीं राख्सा आपणीं शगती। संघा करनै तेऊ कदुष्टा कई रंगे नछ़ैण अर च़मत्कार अर लोगा सोठणअ इहअ कि एता आसा परमेशर लागअ द करदअ। तेऊ करनअ तिन्नां लै सोभी साबै बूरअ अर तिंयां पाणै कबाता ज़ुंण परमेशरा करै बरैबाद हणैं। किल्हैकि तिंयां हुधूऐ तैहा झ़ूरी अर तेऊ सत्ता मनणै का ज़ुंणी तिंयां बच़ाऊऐ दै आसा।
Explore 2 थिस्सलूणी 2:9-10
7
2 थिस्सलूणी 2:7
किल्हैकि तेऊ कदुष्टे शगती करा अज़ी गुप्त रुपै एऊ संसारै परमेशरे खलाफ काम। पर एक आसा इहअ ज़ुंणी सह शगती रोक्की आसा डाही दी अर तेऊ डाहणीं सह तेभै तैणीं रोक्की ज़ेभै तैणीं परमेशर तेऊ दूर नां करे।
Explore 2 थिस्सलूणी 2:7