Popular Bible Verses from 2 शमूएल 11

Share

एकी धैल़ै हुअ इहअ कि सान्हां उझ़ुअ राज़अ दाबेद संघा निखल़अ आपणैं मैहलै बागै च़बारू लै संघा त तिधी हांढदअ-फिरदअ लागअ द। तिधा का शुझुई तेऊ का एक बेटल़ी आसा आपणैं घअरै बागा बाखा न्हैऊंदी लागी दी अर सह थिई हेरनी शुणनी बेघै बित्ती। दाबेदै छ़ाडअ आपणअ आदमी एही पुछ़-ज़ाच़ करना लै कि अह बेटल़ी कुंण आसा? तेथ खोज़अ कुंणी कि सह बेटल़ी आसा एलीआमे शोहरी बेतशेबा अर हित्ती उरियाहे लाल़ी।

दाबेदै छ़ाडै तैहा आणदै दूत, तिन्‍नैं पजैल़ी सह राज़ै सेटा संघा सुत्तअ दाबेद तैहा संघै। सह थिई अज़ी तधू पै ज़ुठै झिकल़ै धोई शुची हुई दी। तेखअ डेऊई सह आपणैं घअरा लै बापस फिरी।