Popular Bible Verses from 2 राज़ै 5

Share

अराम देशे सैनापति नामानो थिअ खास्सअ अदर अर राज़अ बी मना त तेऊ खास्सअ। किल्हैकि बिधाता दैनी ती तेऊ करै अरामी सैना लै ज़ीत। सह थिअ खास्सअ शूरबीर। पर तेऊ निखल़ी कोहल़।

एलिशा छ़ाडअ आपणअ एक दास नामाना लै इहअ बोल्दअ, “तूह दै जरदण नदी दी साता बारी डुबकी अर तेखअ जाणअ तूह एऊ कोहल़ा का नरोगअ हई।”

तेखअ डेऊअ नामान उंधै जरदण नदी लै संघा दैनी साता बारी डुबकी ज़िहअ बिधाते गूर एलिशा बोलअ त तेही ई अर तेऊओ कोहल़ मुक्‍कअ पठी। तेऊए देही हुई ज़ाथी होछ़ै लान्हैं ज़ेही ताज़ी नरोगी।

पर नामाना आई रोश्शै अर सह डेऊअ इहअ बोल्दी, “मंऐं सोठअ त इहअ कि सह मुंह सेटा लै बागै ता निखल़े अर आपणैं बिधाता का अरज़ करी कोहल़े ज़ैगा आपणैं हाथा करै छ़ुंहीं मुंह नरोगै करे!

तेखअ लागै नामाने आपणैं दास तेऊ सेटा एछी तेऊ लै बोल्दै, “मालक, ज़ै बिधातो गूर ताल्है इहअ काम करना लै बी बोले ज़ुंण तेरै बशा का बागै आसा, ताह निं तेता का बी पिछ़ू हटणअ आथी त। तै तूह ज़िहअ सह बोला तिहअ करदअ किल्है निं? डेऊ संघा एछ न्हैऊई करै नरोगअ हई!”

एकी धैल़ै बोलअ तैहा दासी नामाने लाल़ी आपणीं मालका लै, “ज़ै मेरअ मालक नामान सामरी नगरी गूरा सेटा डेऊंदअ, तै जाणअ त सह एऊ कोहल़ा का नरोगअ हई।”