Popular Bible Verses from 2 राज़ै 2

Share

तिधी बोलअ एलियाह गूरै एलिशा लै इहअ, “ऐबै गअ सह बगत पुजी कि बिधाता करनअ हुंह ताखा दूर। ऐबै इहअ हणैं का आजी तूह किज़ै च़ाहा कि हुंह ताल्है करूं?” एलिशा बोलअ, “ज़ेतरअ बल ताखा आसा, मुल्है दै तेता का दुगणअ बल ताकि हुंह होरी गूरा प्रैंदै तेरी ज़ैगा सैणअ गूर होए।”

एलियाह अर एलिशा तै बाता हांढदी-हांढदी इना एही गल्‍ला करदै लागै दै, तिधी हुअ हेरा-हेरी आगी ज़िहअ रथ प्रगट अर तेऊ रथा दी थिऐ घोल़ै बी आगी ई ज़िहै। एलियाह च़कअ बिधाता कुर्लू बागरी जैंदरी उझै स्वर्गा लै।

एलियाह दैनअ ज़बाब, “अह मांगी तंऐं बेघै कठण गल्‍ल, बिधाता च़कणअ हुंह उझै ताखा दूर, पर ज़ै ताखा हुंह तेता बाद बी शुझिए, तै जाणीं तेरी अह मांग पूरी हई, नांईं ता निं हणीं।”

एलियाह गूरो ज़ुंण च़ादरू एलिशा प्रैंदै पल़अ त, एलिशा बाही तेऊ च़ादरू करै जरदण नदीए पाणीं प्रैंदै संघा बोलअ इहअ, “एलियाहो परमेशर बिधाता किधी आसा?” ज़ांऊं तेऊ नदीए पाणीं प्रैंदै बाही, पाणीं हुअ ओर्ही-पोर्ही दूई बाखा अर दरैऊआ मांझ़ा-मांझ़ी निखल़ी शुक्‍की ज़ैगा अर एलिशा टपअ पार।

एता भाल़ी लागअ एलिशा ज़ोरै-ज़ोरै इहअ बोल्दअ, “आईओ मेरै बाबा, ए मेरै बाबा, इज़राईले फाज़त करनै आल़ैआ, ऐबै केस्सी डेऊअ तूह!” ज़ांऊं एलियाह तेऊ सेटा का दूर मुक्‍कअ डेऊई, सह हुअ खास्सअ दुखी अर तेऊ दुखा दी धेल़ै तेऊ आपणीं घेरीए सारै झिकल़ै बी।

जरदण नदीए बाढै पुजी खोल्हअ एलियाह आपणअ च़ोल़अ संघा बणाईं तेते मिंडल़ी तेखअ बाही जरदण नदीए पाणीं प्रैंदै अर जरदण नदीओ पाणीं हुअ ओर्ही-पोर्ही दूई बाखा अर दरैऊआ मांझ़ै निखल़ी शुक्‍की ज़ैगा! तेखअ टपै एलियाह अर एलिशा दरैऊआ मांझ़ा-मांझ़ी शुक्‍की ज़ैगा बाती जरदण नदी पार।

एक बगत पुजअ इहअ कि बिधाता बहाऊई खास्सी कुर्लू बागरी कि तेथ संघै च़कअ बिधाता एलियाह उझै स्वर्गा लै। इहअ हणैं का थोल़ै धैल़ै आजी तै एलियाह अर एलिशा गिलगाल नगरी, अर ज़ांऊं तिंयां तिधा का हांढदै लागै