Popular Bible Verses from 2 जोहन्‍ना 1

Share

असली झ़ूरी आसा एही कि हाम्हां लागा तिहअ करनअ ज़िहअ प्रभू हुकम करा। शुरू ओर्ही आसा तम्हैं अह हुकम शूणअ द अर ज़िन्दगी बी लागा तम्हां एही ई ज़िऊंणीं कि तम्हैं झ़ूरी करे।

हुंह बोला तम्हां लै इहअ कि ज़ुंण मसीहा खोज़ी दी शिक्षा दी किज़ै आपणीं बाखा राल़े अर तिन्‍नां शिक्षा दी कबल्‍लअ विश्वास नांईं करदअ, तेऊओ निं परमेशरा संघै किछ़ै रिश्तअ आथी। ज़ै कुंण कबल्‍लअ मसीहा खोज़ी दी शिक्षा दी विश्वास करा, तेऊ का आसा म्हारअ बाब परमेशर अर तेऊए पूत मसीहा ईशू दुहै।

तैही बोला हुंह कि तम्हैं डाहै आपणअ धैन कि तम्हां इहै मणछ कबाता नां पाए ताकि ज़ुंण मैन्थ हाम्हैं सोभी आसा किई दी, तेता निं बरैबाद दैई हणैं। पर तम्हां जाणीं तिंयां सोभै बर्गता भेटी ज़ेता दैणें परमेशरै ज़बान आसा दैनी दी।

हुंह बोला इहअ एते तैणीं कि कई ज़ुंण होरी आपणीं झ़ुठी शिक्षा करै कबाता पाआ, तिंयां आसा सारै दी पुजी गऐ दै। तिंयां बोला इहअ कि ईशू मसीहा निं एऊ संसारै मणछे देही दी आअ ई आथी। ज़ै कुंण मणछ इहअ बोला, सह ई मणछ आसा मसीहो बरोधी, ज़ुंण होरी लोगा कबल्‍लै कबाता डाहा पाई।