Popular Bible Verses from 2 करिन्थी 5

Share

तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्‍ला गई बिति भाल़ा, सोभै गल्‍ला हुई नऊंईं।

मसीहा निं किछ़ै पाप किअ, सह ई बणाअं परमेशरै म्हारै पापा दी साझ़ू ताकि हाम्हैं मसीहा करै परमेशरा का धर्मीं शुझिए।

किल्हैकि हाम्हैं निं तेऊओ रूप भाल़ी ज़िन्दगी ज़िऊंदै पर हाम्हैं ज़िऊआ परमेशरा दी विश्वास करी।

ईंयां सोभै गल्‍ला आसा परमेशरा बाखा का, ज़ुंणी मसीहा करै हाम्हैं आप्पू सेटा लै मेल़-ज़ोल़ करी बापस आणै, अर परमेशरा सेटा होरी मेल़-ज़ोल़ करी बापस फरेऊंणे च़ाकरी आसा तेऊ हाम्हां लै दैनी। मतलब परमेशरै हेरै मसीहा करै आप्पू संघै संसारो बी मेल़-ज़ोल़ करी, अर ज़ुंण मणछै पाप बी किऐ, तेतो बी निं तिन्‍नां लै दोश लाअ आथी अर परमेशरै आसा हेरअ द अह मेल़-ज़ोल़ करनैओ समाद हाम्हां का सभाल़ी।

इहअ करै आसा हाम्हैं मसीहे राज़दूत, इहअ समझ़ा कि परमेशर करा हाम्हां बाती होरी मणछा का अरज़, हाम्हैं करा मसीहा बाखा अरज़, “परमेशरा संघै कर मेल़-ज़ोल़।”

मसीहा मूंअ एते तैणीं सोभी लै कि ज़ुंण ज़िऊंदअ आसा, सह निं आजू पोर्ही आप्पू लै ज़िऊई, पर तेऊ लै ज़िऊऐ ज़ुंण तिन्‍नां लै मूंअ अर बादा का हुअ ज़िऊंदअ। एभा पोर्ही निं हाम्हां कोहिओ नसाफ मणछे सोठणें साबै करनअ। हाम्हैं किअ एकी बारी मसीहो नसाफ बी मणछे साबै पर ऐबै निं हाम्हां तिहअ करनअ।

किल्हैकि मसीहे झ़ूरी करा हाम्हां आपणैं बशै। ज़ै हाम्हैं विश्वास करा कि मसीहा मूंअ हाम्हां सोभी लै, हाम्हैं करा इहअ विश्वास बी कि हाम्हैं सोभै बी मूंऐं म्हारी पराणीं ज़िन्दगी लै।