Popular Bible Verses from 2 इतिहास 20

Share

जहजीएलै बोलअ इहअ, “यहूदी मणछो! एरुशलेम बस्सै दै सोभी मणछो! राज़अ जहोशापात! बिधाता बोला तम्हां लै इहअ, ‘ऐहा एतरी बडी सैना भाल़ी निं तम्हैं डरदै लागी अर नां आपणअ हैअ चोल़ी। जुध निं थारअ आथी!’ तम्हां बाखा हणअ थारअ परमेशर आप्पै।

तम्हां निं जुध करने ज़रुरत ई पल़णीं। तम्हैं रहै उपर सिधै लगैग लाई खल़्हुई तिन्‍नां न्हैल़ै लागी अर तम्हां का जाणअ तिधी शुझुई कि बिधाता दैनी तम्हां लै ज़ीत। यहूदा अर एरुशलेम नगरीए लोगो! तम्हैं निं हैल़अ-फिकर डाही नां डरी आथी। तम्हैं डेओआ काल्‍ला जुधा लै अर तम्हां संघै हणअ बिधाता आप्पै।”

हे परमेशर, ऐबै दै इना लै तूह आप्पै सज़ा, ऐहा एतरी बडी सैना आजू आसा हाम्हैं बज़ंद हुऐ दै! हाम्हां निस्सी समझ़ पल़ी कि किज़ै करनअ? ऐबै आसा हाम्हैं सिधै ताह ई बाखा भाल़ै लागै दै।”

सोभी लोगा संघै सलाह करी राज़ै जहोशापातै किअ थोल़ै गाज़ै-बाज़ै आल़ै लै हुकम कि च़ोल़ै बान्हीं हांढा गाज़ै-बाज़ै संघै सारी सैना आजू एही गिहा बोल्दी, “बिधाते ज़ै-ज़ैकार, सह झ़ूरा हाम्हां लै सदा!”

ज़ांऊं तिंयां गिहा बोल्दै लागै, बिधाता पाअ दुशमणे सैना दी झाख ज़ुंण यहूदी खतम करदै तै आऐ दै!

जहोशापात राज़ै पल़ी डअर अर तेऊ किई बिधाता सेटा अरज़ कि ऐबै किहअ करूं? तेखअ किअ तेऊ यहूदा मुल्खे सारी परज़ा लै हुकम कि ज़ुंण हाम्हां लै अह दुख पल़अ, एता लै रहा सोभ ब्रतू।

तिन्‍नां का थिअ ऐहा गल्‍लो थोघ, ज़ै ऐहा ज़ैगा जुध, नकाल़, माहा मरी कि किज़ै होर आफ़त एछे, तै सका तेरी परज़ा तेरै भबना सेटा एछी ताखा अरज़ करी अर ताह शुणनी तिन्‍नें अरज़ संघा हेरनै ताह तिंयां बच़ाऊई।

तम्हैं पल़ै काल्‍ला तिन्‍नां लै चुटी, तिंयां हणैं सीस कुआल़ी उझै उखल़दै लागै दै, तिंयां भेटणैं तम्हां तेऊ खागै तैहा बाता ज़ुंण जरूएल नगरी नेल़ रेगीस्ताना लै डेओआ।

यहूदा मुल्खा का आऐ हर नगरी का यहूदी एरुशलेम नगरी बिधाता पुछ़दै कि ऐबै किहअ करनअ?