Popular Bible Verses from 1 तिमोथी 2

Share

किल्हैकि परमेशर आसा एक्‍कै, अर परमेशरा अर मणछा मांझ़ै मेल़-ज़ोल़ करनै आल़अ खणोढी बी आसा एक्‍कै, सह आसा मसीहा ईशू। मसीहा हुअ सोभी लोगा लै पाप अर मौता का छ़ुटकारै दैणें तैणीं बल़ीदान। तेऊए मौता करै दैनअ परमेशरै ठीक बगती सबूत कि सह च़ाहा सोभी लोगा बच़ाऊंणअ।

ऐबै करा हुंह तम्हां सोभी का एही अरज़ कि सोभी मणछा लै करनी प्राथणां। परमेशरा का करनी एही प्राथणां कि तिन्‍नें मज़त करे। राज़ै अर सोभी बडी पदबी आल़ै लै करनी एते तैणीं अरज़ कि तिंयां हाम्हां शांती दी रहणैं दैए अर म्हारी फाज़त करे, ताकि हाम्हैं परमेशरे च़ाकरी करी सके अर म्हारअ लोल़ी सोभी संघै भलअ बभार हुअ।

हुंह च़ाहा इहअ कि हर ज़ैगा लोल़ी मर्धे हाथ प्राथणां करना लै परमेशरा बाखा लै तेऊ साबै उझ़ुऐ ज़ेता हाम्हैं सोभै मना। विश्वासीए प्राथणां निं लोल़ी रोश्शा रहैऊंणा लै या हठल़णैं लै हुई। तिहअ ई, बेटल़ी बी करै लाज़-शरम डाही भलै कामों हार शंगार करनअ इहअ शंगार ज़ुंण परमेशरे लोगा शोभा दैआ, नां कि कई रंगे गुछ़टी बाली करै अर सुन्‍नैं-च़ंदी, मोती, अर किम्मती झिकल़ै करै। पर तिन्‍नां लागा होरी लोगा लै भलै काम करनै सह आसा तिन्‍नों शंगार अर असली शोभा।