Popular Bible Verses from 1 शमूएल 28

Share

ज़ांऊं शाऊला का पलिश्तीए सैना शुझुई, तेऊ फिरअ तिन्‍नां भाल़ी डरै दर्छ़णअ। शाऊल लागअ बिधाता पुछ़दअ कि हुंह किज़ै करूं? पर बिधाता निं तेऊ लै किछ़ै ज़बाब दैनअ, नां धैनै-सुपनै बिधाता किज़ै खोज़अ, नां प्रशण बाही अर नां कहा गूरा का बाती तेऊ संघै बिधाता गल्‍ला किई।

तेखअ किअ शाऊलै आपणैं कार-करिंदै लै हुकम, तम्हैं आणा कहा बेटल़ी लोल़ी ज़ुंण मणशाण झ़ैऊआ। तिन्‍नैं बोलअ, “एनदोर नगरी आसा एक बेटल़ी ज़ुंण मणशाण झ़ैऊआ।” शाऊलै बदल़अ आपणअ भेश, घेरी बान्हैं आम झिकल़ै, आप्पू संघा निंयैं दूई मणछ संघा पुजअ राचो-राच तैहा बेटल़ी सेटा। तेऊ बोलअ तैहा लै, “तूह पुछ़ मुल्है मणशाण अर ज़सरअ नाअं हुंह खोज़ूं, तूह झ़ैऊ तेऊओ मणशाण?”