Popular Bible Verses from 1 शमूएल 19

Share

शाऊलै बोलअ एकी धैल़ै आपणैं शोहरू जोनातान अर आपणैं कार-करिंदै लै कि दाबेद पाणअ हाम्हां मारी। पर शाऊलो शोहरू जोनातान झ़ूरा त दाबेदा लै खास्सअ अर तेऊ हेरी ईंयां गल्‍ला दाबेदा का खोज़ी, “मेरअ बाब च़ाहा ताह मारी पाणअ। काल्‍ला दोत्ती डाहै तूह धैन। तूह रह किधी एही ज़ैगा लुक्‍की ज़ेतो कोही का थोघ निं लागे, संघा रहै तिधी।

एकी धैल़ै दैनअ बिधाता भिई शाऊला दी भूत बस्सणै। सह थिअ आपणैं घअरै बेठअ द अर तेऊए हाथै त बर्छ़अ अर दाबेद त तेऊ सेटा बींन बाज़दअ लागअ द। शाऊलै सोठअ इहअ कि एऊ लै बाहणअ मुंह इहअ ज़ोरै बर्छ़अ कि एऊ बाती लोल़ी बर्छ़अ पिछ़ू भित्ती दी खुभअ। दाबेद ठुर्हअ तिधा का तैहा राची दूर अर इहअ करै बच़अ सह तधू।