ज़ांऊं शाऊलै ईंयां गल्ला शूणीं, परमेशरे आत्मां किअ सह आपणैं काबू अर तेऊ आअ खास्सअ कोप। तेऊ पाऐ ज़ोल़ी बल्द काटी संघा किऐ तिन्नें ठोर-ठोर। संघा छ़ाडै सारै इज़राईल देशै दूत तिन्नां मास्से ठोरा रहैऊंदै अर इहअ बोल्दै, “शाऊल अर शमूएलै लाई जुधा लै सैना बणाईं, तेथ ज़ुल़ा तम्हैं सोभै। ज़ै तम्हैं नांईं ज़ुल़े, थारै बल्दे बी हणैं इहै हाल।”
इज़राईली मणछ डरै खास्सै कि ऐबै बिधाता किज़ै लाअ होए करी, सोभी बणाअं एक मन्न संघा लागै ज़िहअ बोलअ तिहै ई हांढदै।