Popular Bible Verses from 1 राज़ै 18

Share

हे बिधाता, तूह शुण मेरी अरज़ संघा दै एतो ज़बाब, ताकि इधी सोभी लोगा का थोघ लागे कि तूह ई आसा परमेशर अर तंऐं शादै ईंयां भिई आप्पू लै बापस।”

सह थिई उडै बिधाता लै बल़ीदान करने बेल, एलियाह गूर डेऊअ बेदी सेटा संघा किई बिधाता का एही अरज़, “हे आबराम, इसहाक अर याकबे परमेशर बिधाता! आझ़ लोल़ी अह गल्‍ल सोभी का शुझुई कि इज़राईलो परमेशर आसा तूह ई अर हुंह आसा तेरअ दास अर सोभी का लोल़ी थोघ लागअ कि ज़ुंण मंऐं किअ, तेता करना लै त मुल्है तंऐं हुकम किअ द।

एलियाह डेऊअ लोगा सेटा लै संघा बोलअ इहअ, “तम्हां कधू तैणीं रहणअ दुही बाता? ज़ै परमेशर बिधाता आसा, तै पूज़ा तेऊ! ज़ै बाल देअ आसा परमेशर, तै पूज़ा तम्हैं तेऊ!

हेरा-हेरी शोटी बिधाता सरगा का आग अर हूम बल़ीदान किऐ दै मास्सो, झ़ुका अर बेदीए पात्थरा संघी हुअ धरनीं छ़ार अर बेदी फेर पाणीं शुक्‍कअ पठी।

ज़ांऊं तिधी लोगै इहअ च़मत्कार आपणीं आछी भाल़अ, तिन्‍नैं टेक्‍कअ धरनीं उटै पल़ी माथअ संघा लागै इहअ बोल्दै, “बिधाता आसा परमेशर, सिधअ बिधाता ई आसा परमेशर!”

सातुई बारी ज़ांऊं सह दास बापस फिरअ, तेऊ बोलअ एलियाह लै, “मुखा शुझिआ मणछे हाथा ज़िहअ धख ज़िहअ बादल़।” एलियाह बोलअ, “तूह डेऊ अहाब राज़ै सेटा लै संघा बोल तेऊ लै, ‘आपणअ रथ ज़ुंडी होथ सरग हणैं का आजी उंधै, नांईं ता तूह शाचणअ एतै।’”

बिधाता दैनअ एलियाह लै इहअ बल कि सह ठुर्हअ अहाब राज़े रथा आजू-आजू जज्रेल खागै तैणीं ज़ांघा हांढी।

तेखअ बोलअ एलियाह अहाब राज़ै लै, “ऐबै डेऊ संघा खा-पिई। मुखा शुण्हिंआं इहअ कि पाणींओ हर्हल-खर्हल च़ाल्‍लअ रिंगी।”

तेखअ बोलअ तेऊ आपणैं दासा लै, “उझै निखल़ आजू ज़िहअ संघा भाल़ समुंदरा बाखा।” सह दास उखल़अ उझै आजू ज़िहअ समुंदरा बाखा भाल़अ संघा बोलअ, “एथ निं मुखा किछ़ शुझदअ।” एलियाह बोलअ तेऊ लै, “भिई डेऊ साता बारी भाल़।”

तेखअ बोलअ एलियाह खिरी लोगा लै, “तम्हैं एछा ओर्ही मुंह नेल़।” लोगै किअ तेऊ फेर झाल़अ। तेखअ लागअ एलियाह बिधाते तैहा पराणीं बेदी भिई च़िणदअ ज़ुंण ढोल़ी दी थिई।

बाल देअए गूर करै आपणैं देअआ सेटा अरज़ अर हुंह करूं बिधाता सेटा। तेखअ ज़ुंण सरगा का आग शोटी ज़बाब दैए सह ई हणअ असली परमेशर।” सोभी लोगै बोलअ, “हाँ, ठीक आ, इहअ करा तै।”

एलियाह छ़ांटै इज़राईले बारा गोत्रे साबै बेदी च़िणणा लै बारा पात्थर। बिधातो त इहअ समाद याकबा सेटा पुजी गअ द, “तेरअ नाअं हणअ इज़राईल।”

दपहरै लागअ बिधातो गूर एलियाह इहअ बोली तिन्‍नें सुहांगा करदअ, “होर ज़ोरै-ज़ोरै पाआ लैल़ा! सह आसा थारअ देअ! झ़ाणीं सह किधी आपणैं धैनै होए बेठअ द, कि किधा लै डेऊअ द होए! हई सका कि सह निंजा होए सुत्तअ द! तम्हां हुअ सह खल़अ झ़ैऊंणअ!”

तिन्‍नां पात्थरा करै बणाईं तेऊ बिधाते नाओंऐं एक बेदी। तेथ फेर खण्हीं तेऊ डुघी खाल़्ही ज़ेथ खास्सअ पाणीं एछी सके।