Popular Bible Verses from 1 इतिहास 16

Share

मज़त मांगा बिधाता का, कबल्‍लै रहणअ तेऊए ज़ै-ज़ैकार करदै लागी।

बिधातो करा शूकर किल्हैकि सह आसा भलअ सह झ़ूरा हाम्हां लै सदा।

बिधातो करा शूकर अर सोभी का खोज़ा कि सह किहअ महान आसा, देशा-देशे लोगा का खोज़ा कि तेऊ किज़ै-किज़ै आसा किअ द।

खुश हआ कि हाम्हैं आसा तेऊ बिधाते। तेऊए सोभै भगत रहा नंद।

याकबे लुआद तम्हैं ज़ुंण तेऊए च़ाकरी करा, इज़राईले लुआद, ज़ुंण तेऊ छ़ांटै दै आसा, तम्हैं करा तिन्‍नां च़मत्कारा आद ज़ुंण तेऊ रहैऊऐ, तेता बी करा आद ज़ुंण तेऊ नसाफ किअ।

बिधाते ज़ै-ज़ैकार करना लै बोला गिहा! तेऊ ज़ुंण महान नुआहरै काम किऐ, तेता खोज़ा सोभी का।

बिधाता आसा इहअ महान कि तेऊए स्तोती लागा करनी ई। सह आसा परमेशर एक्‍कै अर हाम्हां लागा तेऊओ सोभी देअआ का खास्सअ अदर करनअ।

पृथूईए सोभ लोग करा बिधाते ज़ै-ज़ैकार, एता जोगी आसा सह ई। सोभ एछा भैंट लई तेऊए दुआरै। ज़ेभै सह पबित्र प्रगट होए तेऊ महान अर पबित्र बिधाता सेटा टेक्‍का माथअ

तेऊ फेर आसा अदर अर प्रतप्प, तेऊए पबित्र ज़ैगा आसा बल अर शोभा करै भरी।

संसारे सोभै लोग बोला बिधाते गिह! तेऊ हेरै हाम्हैं बच़ाऊई, एऊ खुशीए समादा खोज़ा धैल़ सोभी का।

होरी देशा का बी खोज़ा ऐहा गल्‍ला कि बिधातो प्रतप्प किहअ आसा अर इहअ कि तेऊए काम किहै महान आसा।

“मेरी छ़ांटी दी परज़ा निं छ़ुंहीं छ़ेल़ी आथी, नां मेरै गूरा लै हान्‍नी करी।”

होरी देशे देअ-देबी आसा सिधी मुहुर्ती, पर सह आसा बिधाता ई ज़ुंणी सारअ भ्रमंड आसा बणाअं द।

सह डाहा आपणीं करार सदा लै अटल़, ज़ुंण तेऊ ज़बान दैनी, सह रहा हज़ारो पोस्ती तैणीं।

पृथूई अर सरग हुऐ खुश! देशा-देशे लोगा का खोज़ा इहअ, “बिधाता आसा माहा राज़अ!

इज़राईले परमेशर बिधाते करा ज़ै-ज़ैकार! तेऊए करा आझ़ा पोर्ही सदा ज़ै-ज़ैकार! सोभै बोला, ‘एवमस्तू!’ बिधाते लोल़ी सदा ज़ै-ज़ैकार हुई।”

पृथूई दी करा सोभी देशे लोग तेऊए ज़ै-ज़ैकार, ऐहा गल्‍ला मना सोभै कि बिधाता आसा महान अर सोभी का बलबान।