Popular Bible Verses from रोमियो 12

Share

एस दुनिया दे लोकें जियां नेई बनो; मगर थुआड़े मन दे नमें ओई जाने कन्ने थुआड़ा चाल-चलना बी बदलदा जा, जेदे कन्ने तोस परमेसर दी पली, ते अच्छी लगने आली, ते सेध्द मरजी तजरबे कन्ने पता करदे रवो।

एसकरी ए मेरे विश्वासी प्राओ, आऊँ तुसेंगी परमेसर दी ओस दया दा चेता कराईयै अर्ज करना ऐं, के अपने शरीरें गी जिंदा, ते पवित्र, ते परमेसर गी अच्छा लगने आला बलिदान करियै चढ़ाओ। इयै थुआड़ी आत्मिक सेवा ऐ।

आस दे बारै च, खोश; कलेश च टिके रवो; प्रार्थना च लगातार लगे रवो।

बराई कोलां नेई आरो, लेकन पलाई कन्ने बराई गी जीती लियो।

पाईचारे दे प्यार कन्ने एक दुए कन्ने प्यार रखो; एक दुज्जे दा आदर करने च एक दुए कन्ने अगें चलो।

प्यार दा पखंड नेई करो; बराई कन्ने घृणा करो; पलाई करने च लगे रवो।

जिथें तकर ओई सकै, तोस अपने कोलां सारे मनुक्खें कन्ने मेल मलाप रखो।

ए प्यारे वश्वासीयो, बदला नेई लेना, लेकन परमेसर गी अपना कम करन दियो, किके पवित्र शास्त्र च लिखे दा ऐ, “बदला लेना मेरा कम ऐ, प्रभु आखदा ऐ मैं गै बदला लेना ऐ।”

मेंनत करने च सुसती नेई बरतो; आत्मिक जोश च परे दे रवो; प्रभु दी सेवा करदे रवो।

किके आऊँ ओस क्रपा दे कारन जेड़ी मिगी मिली ऐ, थुआड़े च अर एक गी आ आखना ऐं, के जियां विश्वास तुसेंगी दित्ता गेदा ऐ ओदे कोलां बद कोई बी अपने आप गी नेई समझै; लेकन जियां परमेसर ने अर एक गी विश्वास नाप आला लेखा बंडी दिता ऐ, उयांगै सेई समझ कन्ने अपने आप गी समझो।

बराई दे बदलै कुसे कन्ने बराई नेई करो; जेड़ीयां गल्लां सारें लोकें लेई पलीयां न, उन्दा ख्याल करदे रखो।

एक दुए आसतै एक्को जियां मन रखो; कमणडी नेई उवो, लेकन लीमें कन्ने संगति रखो; अपनी नजर च अकलमन्द नेई उवो।

लेकन “जेकर तेरा बैरी पुखा उवै तां उसी खाणा खलाओ, जेकर प्यासा उवै, तां उसी पानी पलाओ; किके ऐसा करने कन्ने तू ओदे सिर उपर अग्गी दे अंगारें दा टेर लागा।”

अपने सताने आले गी सीस दियो; सीस दियो पर श्राप नेई दियो। खुशी मनानें आलें कन्ने खुशी मनायो, ते रोने आलें कन्ने रुवो।

पवित्र लोकें गी जे केछ जरुरत उवै, ओदे च उन्दी मदद करो; प्रौनगदी च लगे रवो।

किके जियां साड़ी एक जेंद च मते सारे अंग न, ते सारे अंगें दा एको जियां कम नेई; इयां गै अस जेड़े मते आं, मसीह च एक जेंद ओईयै अप्पुं बिचें एक दुए दे अंग न।