Popular Bible Verses from 1 तीमुथियुस 1

Share

ए गल्ल सच्च ते पूरी चाली कन्ने मनने ते विश्वास करने दे लायक ऐ, के मसीह यीशु असैं पापीऐं गी बचाने आसतै दुनिया च आया, जेदे च सारें छा बड़ा पापी आऊँ आं।

लेकन मेरे उपर मसीह यीशु ने दया कित्ती, ओ दसना चांदा हा, के ओसने केस चाली सबर करियै मिगी माफ़ कित्ता, आऊँ जेस ने सारें थमां जादै पाप कित्ता, ओ एक मसाल उनै लोकें आसतै बना जिन्नें विश्वास करना ते मेशा दी जिंदड़ी पानी ऐं उन्दे लेई एक नमुनां बना।

मेरे उक्म देने दा कारन ए ऐ, के शोद्ध मन ते अच्छी अन्तर आत्मा, ते बिना कपट दे विश्वास कन्ने प्यार पैदा उवै।

ऊन मेशा दा राज करने आला राजा, मतलब मेशा आसतै रौने आला, अनदिखा एक गै परमेसर दा आदर ते मैमा जोग-जोग ओंदी रवै। आमीन।

अस जाननयां न, के मूसा दा कनून तरमी मनुक्ख आसतै नेई लेकन बेतर्मियें, उक्म नेई मननें आलें, पक्ति हिनें, पापीऐं, अपवित्रें ते अशोद्ध मनुक्खें, अपने मां-प्यो दा कत्तल करने आलें, दुए दा बी कत्तल करने आलें, ब्यभिचारयें, मडदगामीयें, मनुक्ख दे बेचने आलें, चुठे बोलने आलें, ते चुठी कसम खाणे आलें, ते इनेंगी छुड़ीयै खरी शिखया दे सारे विरोधीयें दे लेई बनाई गेई ऐ।