Popular Bible Verses from 1 कुरिन्थियों 15

Share

एस आसतै ए मेरे प्यारे विश्वासी प्राओ, पक्के ते टिके दे रवो, ते प्रभु दे कम च मेशा जोश कन्ने बददे जाओ, किके ए जांनदे ओई, के थुआड़ी मेंनत प्रभु च बेकार नेई ऐ।

लेकन परमेसर दा शुक्र उवै, जेड़ा असेंगी साड़े प्रभु यीशु थमां जीत दिन्दा ऐ।

तोखा नेई खायो, “बुरी संगति अच्छे चाल चलन गी बगाड़ी दिन्दी ऐ।”

लेकन आऊँ जे केछ बी ऐं, परमेसर दी क्रपा थमां ऐं। ते ओसदी क्रपा जेड़ी मेरे उपर ओई, ओ बेकार नेई ओई; लेकन मैं उनै सबनी प्रेरितें थमां मती मेंनत बी कित्ती; तां बी ए मेरे थमां नेई ओआ लेकन परमेसर दी क्रपा थमां जेड़ी मेरे उपर ही।

ए मौत, तेरी जै कुत्थें रेई? ए मौत, तेरा डंग कुत्थें रिया?” मौत दा डंग पाप ऐ, ते पाप दा जोर कनून ऐ।

दिखो, आऊँ थुआड़े कन्ने पेद दी गल्ल आखना ऐं; के अस सारे ते नेई मरगे, लेकन सारे बदली जागे, ते ए पल पर च, अख चमकदै गै खीरी तुतडी बजदे गै ओग किके तुतडी बजाई जाग ते मोड़दे अविनाशी आलत च जिन्दे कित्ते जागन, ते अस बदली जागे।

किके जियां आदम दे पाप थमां मौत आई, उयांगै मसीह थमां मरें दें बिचा जिंदा ओना बी आया। ते जियां आदम च सारे मरदे न, उयांगै मसीह च सारे जिंदे कित्ते जागन।

किके जरुरी ऐ, के ए नाशवान जेंद अविनाशी जेंद गी पाई लै, ते ए मरने आली जेंद अमर जेंद गी पाई लै।

किके जेसलै तकर ओ अपने बैरीयें गी अपने पैरें दे थलै नेई लेई अवै, ओस बेलै तकर मसीह दा राज करना जरुरी ऐ। सारें थमां खीरी बैरी जेड़ा पूरी चाली कन्ने नाश कित्ता जाग, ओ मौत ऐ।