Popular Bible Verses from उत्पत्ति 49

Share

जदुए तक शीलो नि आओ, तदुओ तक ना तो यहूदा ते राजदण्ड छूटणा, ना तेसरे वंशो ते बिधि-बिधान् देणे वाल़ा लग ऊणा ओर राज्य-राज्य रे लोक तेसरे ऊई जाणे।

यूसुफ रे वंशो रे लोक तागतबर बेला री एक पाँगटी ए, से सूबल़ा गे लगी री फल़वंत बेला री एक पाँगटी ए; तिजी री डाल़िया दवाला पाँदा ते चढ़ी की फैली जाओईया। धनुष चलाणे वाल़ेया से नशाणा बणाया ओर यूसुफो खे तीर बाए ओर तेस पीछे पड़ी रे।

पर तेसरा धनुष मजबूत रया ओर तेसरी बांयी ओर आथ याकूबो रे तेसी शक्तिमान परमेशरो रिया बजअ ते फुर्तिले ऊए, जेसगे ते से ग्वाला आऊणा, जो इस्राएलो रा पात्थर बी ठईरना। ये तेरे बाओ रे तेस परमेशरो रा काम ए, जेस तेरी मताद करनी, तेस सर्वशक्तिमानो रा जो ताखे ऊबा ते, सर्गो रिया आशीषा, ओर थाला ते डूगे पाणिए रिया आशीषा, ओर दूद ओर गर्भो रिया आशीषा देणियां।

ओ यहूदा, तेरे पाईया तेरी सराईणा करनी, तेरा आथ तेरे दुश्मणा रिया क्याड़िया पाँदे संवार ऊई की रणा; तेरे बाओ रे पाऊआ तांगे माथा टेकणा। यहूदा शेरो रा बच्चा ए। ओ मेरे पाऊ, तूँ शिकार करी की गुफा रे गया; से शेरो जेड़ा दुबकी की बैठी गा; फेर केस से छेड़ना।

ओ रूबेन, तूँ मेरा जेठा, मेरी तागत ओर मेरी मर्दानगिया रा पईला फल़ ए; मान-सम्मानो रा खरा पाअग ओर तागती रे महान तूँई ए। तूँ जो पाणिए जेड़ा ऊफणने वाल़ा ए, इजी री खातर तूँ आपणे पाईया ते आगे नि बढ़ना; कऊँकि तूँ आपणे बाओ रे माँजे पाँदे चढ़ेया, तेबे तैं से अशुद्ध कित्तेया; से मेरे बछौणे पाँदे चढ़ीगा।