Popular Bible Verses from उत्पत्ति 35

Share

फेर परमेशरे तेसखे बोलेया, “आँऊ सर्वशक्तिमान परमेशर ए। तूँ फल़़ो-फूलो ओर बढ़ो; ओर तांते एक जाति, बल्कि जातिया री एक मण्डल़ी बी पैदा ऊणी ओर तेरे वंशो रे राजा पैदा ऊणे ओर जो प्रदेश मैं अब्राहम ओर इसहाको खे देई राखेया, सेई प्रदेश ताखे देऊँआ ओर तांते बाद तेरे वंशो खे बी देऊँगा।”

इजी खे आओ आसे एथा ते निकल़ी की बेतेलो खे चलूँए; तेती मां परमेशरो खे एक बेदी बनाणी, जिने मुसीबता रे बखते मेरी सुणी ओर जेते बाटा रे आऊँ चलूँ था, तिदे मां साथे रया।”

ओर परमेशरे तेसखे बोलेया, “एबुओ तक तो तेरा नाओं याकूब रया, पर आगो खे तेरा नाओं याकूब नि रणा, ताखे इस्राएल बोलेया जाणा।” ईंयाँ तिने तेसरा नाओं इस्राएल राखेया।

तेबे याकूबे आपणे कराने ते ओर तिना सबी खे जो तेस साथे थे, बोलेया, “तुसा बीचे जो पराये देवता ए, तिना खे निकयाल़ी की सेटी देओ ओर आपू खे शुद्ध करो ओर आपणे टाल्ले बदली लओ

तिजी ते बाद परमेशरे याकूबो खे बोलेया, “एथा ते निकल़ी की बेतेलो खे जा ओर तेथी रओ; ओर तेती परमेशरो खे बेदी बणा, जिने ताखे तेस बखते दर्शण दित्तेया, जेबे तूँ आपणे पाई एसावो रे डरो रे मारे नठणे लगी रा था।”

तेबे एड़ा ऊआ कि से मरी गी ओर प्राण निकल़दे-निकल़दे तेसे तेस पाऊए रा नाओं बेनोनी राखेया; पर तेसरे बाओ तेसरा नाओं बिन्यामीन राखेया।