Popular Bible Verses from उत्पत्ति 25

Share

तेबे यहोवे तेसा खे बोलेया, “तेरे गर्भो रे दो प्रदेश ए ओर तेरी कोखा ते निकल़दे ई दो राज्य रे लोक लग-लग ऊणे ओर एकी राज्य रे लोक दूजे राज्य ते जादा सामर्थी ऊणे ओर जेठा छोटे रा दास ऊणा।”

तेबे एसावे याकूबो खे बोलेया, “ये जो लाल दाल़ ए, इजी बीचा ते माखे कुछ खाणे खे दे कऊँकि आऊँ थकी रा।” इजी बजअ ते तेसखे एदोम बी बोलोए।

इसहाको री लाड़ी तो बांझ थी, तेबे तिने तेसा री खातर यहोवे ते बिनती कित्ती ओर यहोवे तेसरी बिनती सुणी। ईंयाँ तेसरी लाड़ी रिबका गर्भवती ऊई ओर तेसा रे गर्भो रे जुड़ूंआ बच्चे थे।

एसावे बोलेया, “देख, आऊँ मरने वाल़ा ए, एबे जेठे ऊणे ते मेरा क्या फायदा ऊणा?” याकूबे बोलेया, “पईले तो तूँ कसम खा।” इजी खे तिने तेसते कसम खाईली ओर आपणे जेठे ऊणे रा अक्क याकूबो खे बेचीता।

पीछे ते तेसरा पाई आपणे आथे की एसावो री आडी पकड़ी की पैदा ऊआ इजी खे तेसरा नाओं याकूब राखेया। जेबे रिबके तिना खे जन्म दित्तेया तेबे इसहाक 60 साला रा था।

इसहाक तो एसावो रे शकारो रा मास खाया करो था, इजी री खातर से तेस साथे प्यार राखो था, पर रिबका याकूबो साथे प्यार राखो थी।