Popular Bible Verses from उत्पत्ति 21

Share

यहोवे जेड़ा वादा कित्तेया था तिंयाँ ई सारा री सम्बाल़ लई की तेसा साथे आपणे वादे रे मुताबिक कित्तेया।

परमेशरे तेस पाऊए रा रोणा सुणेया ओर तेसरे स्वर्गदूते स्वर्गो ते हाजिरा खे आका पाई की बोलेया, “ओ हाजिरा ताखे क्या ऊआ? डर नि; जेती तेरा पाऊ पड़ेया राए, तेथा ते तेसरी आवाज परमेशरो खे सुणी गी री। उठ, आपणे पाऊए खे चक ओर आपणे आथो साथे सम्बाल़ कऊँकि मां तेसरे जरीये एक बड़ी जाति बनाणी।”

सारा अब्राहमो रे स्याणदे बखते तेसते गर्भवती ऊई की एकी पाऊए खे जन्म दित्तेया। ये सेई ठराया रा बखत था जेड़ा परमेशरे तेसते वादा कित्तेया रा था।

ओर सारे बोलेया, “परमेशरे आऊँ खुश करी राखी ओर जेस ये गल्ल सुणनी सेयो बी मां साथे खुश ऊणे।”

पर परमेशरे अब्राहमो खे बोलेया, “एस पाऊए ओर आपणी दासिया रे बारे दे तैं चिन्ता नि करनी। जो गल्ल सारा ताखे बोलोई तिजी खे मान कऊँकि इसहाको तेई तेरा वंश चलणा।

दासिया रे पाऊए ते बी मां एक प्रदेश बनाणा कऊँकि से तेरा वंश ए।”