Popular Bible Verses from उत्पत्ति 11

Share

ओर यहोवा आपणे आपू दे सोचणे लगेया, “सेयो सब एकी ई पाषा रे, एकी ई जातिया रे ए, इजी खे एबे जो कुछ सेयो करने लगणे तिना खे कुछ बी असम्भव नि ऊणा, ये तो सिर्फ शुरूआत ईए जो सेयो करने लगी रे। इजी री खातर मां, उतरी की तिना री पाषा रे गड़बड़ी पाणी, कि सेयो एकी-दूजे री बोली नि समजी सको।”

फेर तिने बोलेया, “आओ, आसे एक शईर ओर एक गुम्मट बणाऊँए ओर जेतेरी चूँडी सर्गो तक पऊँची जाओ ओर ईंयाँ आसे आपणा नाओं मशूर करूँए ओर आसा खे सारी तरतिया पाँदे बसणा नि पड़ो।”

इजी बजअ ते तेस शईरो रा नाओं बाबेल पड़ेया, कऊँकि सारी तरतिया रिया पाषा दे जो गड़बड़ी ए, से यहोवे तेथी पायी, इजी बजअ तेई यहोवे माणूं सारी तरतिया पाँदे फैलाईते।

एक बखत एड़ा था जेबे सारी तरतिया पाँदे एक ई पाषा ओर एक ई बोली थी।

जेबे लोक शईर ओर गुम्मट बनाणे लगी रे थे, तेबे इना खे देखणे खे यहोवा उतरेया।

ईंयाँ यहोवे सेयो तेथा ते सारी तरतिया पाँदे फैलाईते ओर तिने तेस शईरो खे बनाणा छाडीता।