Popular Bible Verses from निर्गमन 31

Share

“देख, मैं ऊरीए रा पाऊ बसलेल नाओं लई की चूणी राखेया, से यहूदा रे गोत्रो रा हूरो रा पोता ए। मैं बसलेल आपणी आत्मा, बुद्धि, समज, परविणता, ज्ञान ओर सब प्रकारा री कारीगरिया री समज देणे वाल़ी आत्मा ते परी राखेया। जेते कि से एते बुद्धिया ते परी की सूईने, चाँदी ओर पीतल़ी रे कारीगरिया रे काम करी सको ओर मणि कटणे रे ओर लकड़िया री कारीगरिया रे ओर सबी किस्मा रे काम करने रे ऊशियार ए।

“तैं इस्राएली लोका खे ये बी बोलणा कि तुसे जरूर मेरे रामो रे दिन मानणे, कऊँकि तुसा री पीढ़िया ते पीढ़िया तक मां ओर तुसा लोका बीचे ये एक चिह्न ठईरना, जेते कि तुसे ये गल्ल जाणी लो कि यहोवा म्हारा परमेशर पवित्र करने वाल़ा ए।

से मां ओर इस्राएली लोका बीचे सदा रा एक चिह्न रणा, कऊँकि छे दिना रे यहोवे सर्ग ओर तरती बणाई ओर सातुए दिने राम करी की आपणा जिऊ ठण्डा कित्तेया।”