Popular Bible Verses from बिधान 4

Share

पर तेती बी जे तुसे आपणे यहोवे खे टोल़ोगे, तो से तुसा खे मिली जाणा, शर्त ये कि तुसे आपणे पूरे मनो ते ओर आपणे सारे प्राणो ते तेसखे टोल़ो।

कऊँकि तेरा परमेशर यहोवा दयालु परमेशर ए, तेस ना तो तुसे छाडणे ओर ना ई नाश करने ओर जो वाचा तिने तुसा रे पितरा ते कसम खाई की बानी राखी, से नि पूलणी।

कऊँकि तुसा रा परमेशर यहोवा स्वा करने वाल़ी आग ए, से जल़न राखणे वाल़ा परमेशर ए।

ये बऊत जरूरी ए कि तुसे आपणे बारे दे चौकस रओ ओर आपणे मनो री बड़ी चौकसी करो, केथी एड़ा नि ओ कि जो-जो गल्ला तुसे आपणी आखी साथे देखिया तिना खे पूली जाओ ओर सेयो पूरी जिन्दगी तुसा रे दिलो ते निकल़ी जाओ, बल्कि तुसे सेयो आपणे माठेया-बेटिया ओर पोते-पोतिया गे बी सुनाणियां।

इजी री खातर आज जाणी लओ ओर आपणे मनो रे सोची बी लओ कि ऊबे सर्गो रे ओर थाले तरतिया पाँदे यहोवा ई परमेशर ए ओर कोई दूजा निए।

देखो, एड़ा कुण महान् प्रदेश ए जेतेरा देवता तेसरे इतणे नेड़े रओआ, जेड़ा म्हारा परमेशर यहोवा आसा रे नेड़े रओआ, जेबे-जेबे आसे तेसखे पुकारूएँ से म्हारी प्रार्थना सुणोआ?

आखरी रे दिना रे जेबे तुसे मुसीबता दे पड़ो, तेबे यो सारिया बिपदा तुसा पाँदे पड़नियां, तेबे तुसे आपणे परमेशर यहोवे रिया तरफा खे फिरना ओर तेसरी मानणा।

जो आज्ञा आऊँ तुसा खे सुणाऊँआ तिदे ना तो कुछ बढ़ाणा ओर ना ई कुछ कटाणा, तुसा रे परमेशर यहोवे रिया जो-जो आज्ञा आऊँ तुसा खे देऊँआ सेयो तुसे मानणियां।