Popular Bible Verses from दानिय्येल 6

Share

जेबे दानिय्येलो खे पता लगेया कि तेते चिट्ठिया पाँदे दस्तखत ऊई चूकी रे, तेबे से आपणे कअरो खे चली गा। तेसरे कअरो रिया पाँदली मञ्जला रे कमरे दे यरूशलेमो रिया तरफा खे खुलणे वाल़िया द्वारिया थिया। तेती, जेड़ा से सदा करदा रओ था, से खुली द्वारिया रे सामणे जानूआ रे पारे बैठो था ओर दिनो दे तीन बार परमेशरो ते प्रार्थना करो था।

मेरे परमेशरे आपणे दूत पेजी की शेरो रे मूँ एड़े बन्द करीते कि तिने मेरा कुछ नुकशाण नि कित्तेया, इजी री बजा ए कि आऊँ तेस सामणे निर्दोष ठईरेया ओर ओ राजा, मैं तां सामणे बी कोई पूल नि कित्ती।”

मैं आपणे देशो रे हर इस्से खे एक बिधान बणाई राखेया ए। सबी लोका खे तेस परमेशरो री सेवा करनी चाईयो जेसरी सेवा दानिय्येल करोआ। तिना खे डरो साथे तेसरी सेवा करनी चाईयो। से सदा खे रणे वाल़ा परमेशर ए, कोई बी तेसरे राजो खे नाश नि करी सकदा। तेस सदा राज करना। से लोका खे बचाणे ओर छुड़ाणे वाल़ा ए। से स्वर्गो दे ओर तरतिया पाँदे नशाण ओर चमत्कार दखाणे वाल़ा ए। तिने ई दानिय्येल शेरा ते बचाया।”

तेबे राजे आज्ञा दित्ती ओर राजे रे कर्मचारी दानिय्येलो खे ल्याये ओर से शेरो री गुफा दे सेटी ता। तेस बखते राजे दानिय्येलो खे बोलेया, “तेरा परमेशर जेसरी तूँ सदा आराधना करेया, सेई ताखे बचाओ”!