Popular Bible Verses from Baloma 5

Share

Pele Leza ulatondezya luyando lwakwe lupati cakuti katucili basizinyonyoono Kilisito wakatufwida.

Lulangilo oolu lulatuyumya nkaambo tulizi kuti Leza ulatuyanda citaambiki kwiindila mu Muuya Uusalala ngwatupa.

Kutali boobo buyo pe, pele tulakondwa nikuba kuti tulapenzegwa, nkaambo tulizi kuti mapenzi ngaaiisya lukakatilo. Alwalo lukakatilo ndolupa bukkale butambulika kuli Leza, eelyo bukkale oobu mbobutupa lulangilo.

Lino nkaambo kakuti Leza watwaamba kuti tuli balulami akaambo kalusyomo, kuli luumuno akati ka Leza andiswe. Mwami wesu Jesu Kilisito nguwakatujalwida nzila yakuti kwiindila mulusyomo Leza atufwide luzyalo motubede sunu. Aboobo tulatangala kuti tuyooabilwa bulemu bwa Leza.

Nitwakacili bateteete, muciindi ceelede, Kilisito wakatufwida swebo tobasizinyonyoono.

Lino mbuli mbotwaambwa kuti tuli balulami kwiindila mulufu lwakwe, masimpe tulizi kuti Kilisito uyootufutula kuzwa kucisubulo cabukali bwa Leza.

Alimwi mbuli kutaswiilila kwamuntu omwe mbukwakacitya kuti bantu boonse babe basizinyonyoono mbubonya oobo kuswiilila kwamuntu omwe kwacitya kuti bantu boonse baambwe kuti mbalulami.

Kutali boobo buyo pe, pele tulatangala muli Leza nkaambo ka Mwami wesu Jesu Kilisito, watuyanzanya a Leza.