Popular Bible Verses from Ciyubunuzyo 6

Share

Mpawo ndakalanga, ndakabona bbiza litubuluka. Ooyo wakatantide ali ndilyo zina lyakwe wakali Lufu, nkabela cikkalilo cabafu cakali mutobede munsi. Aaba bakapegwa nguzu zyakujaya cibeela cane canyika kwiindila mukuleta nkondo, nzala, malwazi, alimwi abanyama babutambo.

Ndakalanga, mpawo ndakabona bbiza lituba, nkabela ooyo wakatantide ali ndilyo wakajisi buta, eelyo wakapegwa musini wabwami. Mpawo wakainka mbuli muzundi kuti akazunde abambi.

Lino Mwanaa mbelele naakamatula ciga casanu, ndakabona kunsi aacipaililo myuuya yabaabo bakajaigwa akaambo kakukambauka majwi aa Leza alimwi akaambo kabumboni oobo mbubakali kupa.

Bakapozomoka bakati, “O Mwami Singuzuzyoonse, Oosalala, Oosinizizye, ino ndilili noti kabeteke akusubula bantu bali ansi aabo bakatujaya?” Mpoonya omwe-omwe wabo wakapegwa jansi lituba akaambilwa kuti balindile akulyookezya kaindi kaniini mane kusikila babelesinyina, babunyina abalo bajaigwe mbuli mbubakajaigwa balo.

Mpoonya kwakazwa bbiza limbi, eeli lyakali kusalala. Ooyo wakatantide ali ndilyo wakapegwa nguzu zyakubusya nkondo ansi aano, kuti bantu bajayane muli cabo beni. Wakapegwa apanga pati.

Nkaambo buzuba bwabukali bwabo bwasika, ino nguni uukonzya kubuyumina?”

Lino naakamatula ciga cacisambomwe, ndakalanga eelyo nyika yakazungaana kapati. Zuba lyakabaya, lyaba mbuli cisani cisiya mbi, mwezi wakasalala pyu mbuli bulowa. Nyenyezi zyakawida ansi mbuli nkuyu zitana bizwa mbozi mbulumukila ansi ciindi guwo nolibbubbula.

Lino Mwanaa mbelele naakamatula ciga catatu, ndakamvwa cilenge catatu cakati, “Boola!” Mpoonya kwakazwa bbiza limbi, lyalo lyakali kusiya. Ooyo wakatantide ali ndilyo wakalijisi cipimyo mujanza lyakwe. Mpoonya ndakamvwa cakali kulimvwisya aanga ndijwi lizwida akati kazilenge zyone, lyakati, “Lufulu lomwe lwabulotwe lulaulwa di lyansiliva lyomwe, mfulu zyotatwe zyamaila zilaulwa mbubonya, pele mutanyonyooni mafuta awaini.”

Julu lyakagwisigwa mbuli kanseme kavungwa, eelyo malundu ansumbu zyoonse zyakagwisigwa aawo mpozyakabede. Mpoonya aawo bami baansi, beendelezi, bapati balumamba boonse, bavubi, basinguzu, abantu buyo, bazike naa bazyale, bakayuba mumpangala, alimwi amumyaala yamumalundu.