Popular Bible Verses from Ciyubunuzyo 3

Share

Bona, ndiliimvwi amulyango ndakonkomona, kuti naa muntu wamvwa jwi lyangu akundijulila, ndanjila muŋanda yakwe, walo andime tulalida antoomwe.

Ulati, ndilizi milimo yako mboibede, totontoli alimwi topyi. Nicabota kuti nooli kutontola naa kupya. Aboobo mukuti ukasaala buyo, ndakuswiidila ansi.

Aabo mbenjanda ndabakalalila akubasubula. Aboobo sungwaala kapati kuti weempe.

Ulati, ndizi milimo yako mbwiibede. Ndajula citendele kumbele lyako, eeco muntu naba omwe ncatakonzyi kujala pe. Ndizi kuti tojisi nguzu mpati, nikuba boobo wakabamba majwi aangu, tookanditama pe.

Ooyo uuzunda njoomuzumizya kukkala andime acuuno cangu, mbubonya mbuli mbundakazunda mebo akukkala a Taata acuuno cakwe cabwami.

Tee kayi waamba kuti, ‘Ndilivubide, ndijisi lubono lunji-lunji, taakwe cintu ncendibula.’ Pele tozi kuti ulipengede uleetezya, uli mucete, uli moofu, alimwi uli cintanda.

Nkaambo kakuti wakabamba majwi aangu aakuti ukakatile, ambebo ndiyookubamba muciindi camasunko aayooboolela bantu boonse bamunyika eeyi kuti basunkwe.

Ndafwambaana kuboola, jatisya eeco ncojisi kutegwa kutabi uukunyanga musini wako.

Aboobo buka, uyumye ceeco ncojisi nocitanamaninina kufwa. Nkaambo ndibwene kuti milimo yako tiiluleme kuli Leza wangu.