Popular Bible Verses from Ciyubunuzyo 13

Share

Eeci ciyanda basongo. Kufumbwa musongo ulakonzya kuziba cisimbo camunyama eeci ncecaamba, nkaambo cisimbo ciiminina zina lyamuntu. Cisimbo cakwe eeci myaanda iili cisambomwe amakumi aali cisambomwe acisambomwe.

Bantu boonse bakkala munyika bayoomukomba, boonse aabo batakalembwa nyika kiitanalengwa mubbuku lyabuumi lya Mwanaa mbelele wakajaigwa.

Munyama ooyu wakacita kuti bantu boonse balemenede abantu buyo, bavubi abacete, bazyale abazike, basimbwe kumaanza aalulyo naa ankumo zyabo. Taakwe muntu wakali kukonzya kuula naa kuulisya ccita kuti kajisi cisimbo eeci. Cisimbo cakwe ndizina lyamunyama mutaanzi, naa bulembe bwazina lyakwe.

Ooyo weelede kutolwa mubuzike, uyootolwa ncobeni, ayooyo weelede kujaigwa apanga, uyoojaigwa ncobeni. Aawa mpaelede kuti basalali bakakatile kulusyomo.”

Lino ndakabona munyama kazwa mulwizi. Wakalijisi meja aali kkumi amitwe iili ciloba, kulwija lomwe-lomwe kwakali musini, alimwi amutwe omwe-omwe kwakali zina lisampaula Leza.

Munyama ooyu wakazumizigwa kulwana basalali akubazunda. Alimwi wakapegwa nguzu zyakulela misyobo yoonse, zisi zyoonse, milaka yoonse, alimwi amasi oonse.

Nkaako wakacenga bantu boonse bakkala ansi akaambo kamaleele ngaakazumizigwa kuti acite kumbele lyamunyama mutaanzi. Munyama ooyu wakabaambila kuti bayake mutuni mukulemekezya munyama uulya wakayasidwe apanga nikuba boobo ucipona. Munyama wabili wakazumizigwa kuti ape buumi kumutuni wamunyama mutaanzi, kutegwa ukonzye kwaambaula akujaya boonse aabo bataukombi.

Munyama ooyo ngondakabona wakali kulangika mbuli siluwe. Maulu aakwe akali mbuli aabbeya, awalo mulomo wakwe wakali mbuli wasyuumbwa. Nkabela tosi lyakapa munyama ooyu nguzu zyalyo, cuuno, abulelo bwalyo bupati.

Munyama wakazumizigwa kuti aambe majwi aakusampaula Leza, akuzumizigwa kuti abe aanguzu mane kusikila myezi iili makumi one aibili imane.

Umwi wamitwe yamunyama ooyu wakali kulangika mbuli kuti ujisi dondamwaka, pele dondamwaka eelyo lyakapona. Bantu boonse ibakatobela munyama ooyu, bakagambwa kapati.

Mpoonya ndakabona aumwi munyama, wakazwa munyika. Wakalijisi meja obilo aali mbuli aakabelele, nkabela wakali kwaambaula mbuli tosi. Bulelo boonse bwamunyama mutaanzi bwakapegwa kumunyama wabili. Ooyo wakasungilizya nyika abantu boonse bakkede mulinjiyo kuti bakombe munyama mutaanzi, wakali adondamwaka.