Popular Bible Verses from Intembauzyo 91

Share

Kuli Leza waamba kuti, “Nduwe matijilo acikwabilizyo cangu, nduwe ngwesyoma.”

Ooyo uukkede akuyusila muli Sijulu wamajulu, uyoolyookezya mucimvule ca Singuzuzyoonse.

Aakundiita njoomuvuwa, mumapenzi aakwe njooba aanguwe, njoomuvuna akumulemeka.

Nkaambo Leza uyoolailila bangelo bakwe kuti bakukwabilile, kuti bakucingilizye munzila zyako zyoonse.

Ulakuvumbilila amapepe aakwe, ulayuba kunsi aamababa aakwe. Ntobo acikwabilizyo cako nkusyomeka kwakwe.

Kuti Sijulu wamajulu waba ngamayubilo aako, ooyo Mwami Leza uuli ngamatijilo aako, masimpe taakwe ciyookucisa, taakwe mapenzi ngoyoobona munsi aanduwe kuŋanda yako.

Nguukuvuna kuzwa kukakole kauteya, nguukuvuna kuzwa kucuumo.

Kumbali lyako bantu bali cuulu balawa, kujanza lyako lyalulyo bantu balizyuulu zili kkumi balawa, pele yebo lwako tacikakugumi pe.

Tokayoowi ziyoosya masiku, mivwi niibilima sikati tiikakuyoosyi. Tokayoowi nikuba kuti kukaboole mwiika mumudima, niciba cuumo cinyonyoona ciindi caacilungu-lungu.