Popular Bible Verses from Intembauzyo 40

Share

Amoyo omwe ndakalilila Mwami Leza, mukulila kwangu wakandiceba akundivuwa. Mudindi bbyaabi mwaakandigwisya, oomo mwakali matope antimba, wakandiimika aamwaala, busena bubambasede mbwaakandipa kuti njimine mpawo.

Wakandiiisya lwiimbo lupya, lwakutembauzya Leza wesu. Banji baakubona oobo bayooyoowa, Bayoosyoma mu Mwami Leza.

Muntu uusyoma mu Mwami Leza nguulelekedwe, tacebukili kuli basikuupaupa ameso, aabo baleya akutobela mituni.

Nzyoyanda, O Mwami Leza, nzyeticite, mumoyo wangu muuli mulawo wako.

O Mwami Leza, utakaki kundeengelela, luyando lutazungaani akasimpe kako, eezi zindikwabilile.