Popular Bible Verses from Jemusi 3

Share

Pele busongo busaanguna buzwa kujulu bulilondokede, alimwi mbwaluumuno, bulibombede, tabukazyanyi, mbwalweetelelo lunji, amicelo yabo mibotu minji. Tabuli bwalusalululo naa kuupaupa aameso pe.

Ino nguni musongo uuli aaluzibo akati kanu? Atondezye kuti uli boobo abukkale bwakwe bubotu amuli nzyacita camaanu akulicesya.

Nkabela kutebula kwabululami nkukooko kusyangwa muluumuno abaabo basiluumuno.

Nkaambo kufumbwa ooko kuli bbivwe antoomwe akuliyanda, nkokuli lupyopyongano amilimo yoonse mibi.

Amulaka tulalemeka Mwami Taata, alimwi anguwenya tulasinganya bantu, aabo bakalengwa mucikozyanyo ca Leza. Kuzwa mumulomo omwe mulazwa kuleleka akusinganya. Nobakwesu, embo oobo mbokweelede kuba pe.

Awalo mulaka uli mbuli mulilo. Muzizo zyesu uli mbuli bubi boonse kububikka antoomwe. Ulabisya bukkale boonse bwamuntu. Mulilo wawo uzwa kubusena bwamulilo uutamani, alimwi ulaumpa buumi boonse kuzwa kukuzyalwa mane do lufu.

pele taakwe muntu uukonzya kubombya mulaka pe. Mmubi tuujatiki, uzwide ncefu.

Nobakwesu, bunji bwanu batabi bamayi pe, nkaambo mulizi kuti swebo notwiisya, Leza uyootubeteka cakulangisisya kwiinda bamwi.