Popular Bible Verses from Izaya 65

Share

Kabatana ndiita njoovuwa, kabacikanana buyo njoomvwa.

“Amulange njoolenga julu pya anyika mpya. Zintu zyakaindi tazikayeeyegwi limbi, nikuba kwiibalukwa.

Tabakabeleki cabuyo nikuba kuzyala bana bayoonjila mumapenzi. Nkaambo bayooba bantu balelekedwe a Mwami Leza, balo abalunyungu lwabo.

Tabakayaki maanda kwamana kwakkala bambi, nikuba kusyanga kwamana kwalya bambi. Mazuba aabantu bangu ayoovula mbuli aasamu, basale bangu bayoolya micelo yamilimo yabo kwaciindi cilamfu.

Taakwe bana bayoofwa kabali bavwanda, naba mucembele uuyoofwa kaitanazulila myaka yakwe. Ooyo uuyoofwa kajisi buyo myaka iili mwaanda, uyooyeeyegwa kuti wafwa kacili mukubusi. Ooyo uuyoofwa katanasisya myaka iili mwaanda uyooyeeyegwa kuti wakasinganyizigwa andime.

Umpe akabelele bayoocelela aantoomwe, syuumbwa uyoolya bwizu mbuli musune. Pele vu liyooba ncecilyo canzoka. Mucilundu cangu cisalala takukabi ciyoocisa nikuba kunyonyoona,” mbwaamba Mwami Leza.

Ndiyoosekelela Jelusalemu akukondelelwa bantu bangu. Kweema akulila takukamvwigwi limbi mulinguwo pe.