Popular Bible Verses from Izaya 60

Share

Nyamuka Jelusalemu, komweka nkaambo bulemu bwa Mwami Leza bwakusikila.

Misyobo iyooboola kuli mumuni wako, bamami bayooboola kubbalabala lyamumuni wako.

Bona, mudima uvumbide nyika musinze uvumbilide bantu, pele Mwami Leza wasika kulinduwe, bulemu bwakwe bwaboneka alinduwe.

Bantu bace akati kanu bayoovula akuba cuulu, bace kapati bayooba musyobo wanguzu. Ndime Mwami Leza. Muciindi ceelede ndiyoocicita eeci cakufwambaana.

Zuba talikabi mumuni wako ciindi casikati, nuuba mumuni wamwezi tuukakumunikili nkaambo Mwami Leza nguuyooba mumuni wako uutakamani, Leza wako nguuyookuletela bulemu.

Zuba talikabbili limbi, mwezi tuukagwisigwi pe, Mwami Leza nguuyooba mumuni wako uutamani, mazuba aakupenga kwako ayoomana.

Eezi zintu uyoozibona kazicitika, nkabela moyo wako uyooduntaana mukukondwa, mbono zyabasambazi beendela mulwizi ziyooletwa kulinduwe, mbono zyamasi ziyooletwa kulinduwe.

Sompa ulange-lange. Boonse babungana kulibambila kuboola kulinduwe, bana bako balombe baboola kuzwa kulaale, bana bako basimbi balinyamwidwe mumaanza.

Bantu bako boonse bayooba balulami, eelyo bayootola nyika kwalyoonse alyoonse. Nzisyuukila nzindakasyanga, aabo mbindakabamba ndemwini, nkaambo batondezya bulemu bwangu.

Taakwe nokuyoomvwigwa limbi zyalupyopyongano munyika yako, taakwe kupwaya nokuba kunyonyoona muminyinza yako pe, nkabela uyooita bwaanda bwako kuti ndufutuko, milyango yako iyootegwa kutembaula.

Milyango yanu lyoonse inoojalwidwe, tiikoonoojalwa sikati amasiku, kutegwa bantu bakakweetele mbono zyamumasi, bamami babi bayooenzegwa cakuzundwa.

Matanga aankamela ayoozula munyika yako, tukamela tuzwa ku Midiyani aku Efa. Boonse bazwa ku Syeba bayooboola kabajisi ngolida atununkilizyo, kabazabuluula mukulumbaizya Mwami Leza.

Bazwamasi bayooyakulula bwaanda bwamaanda aako, bamami babo bayookumanina milimo. Nikuba kuti ndakamuuma mubukali bwangu, muluse lwangu njoomubeda aankumbu.

Nikuba kuti wakalisiidwe akusulaikwa, cakuti taakwe muntu wacili kwiinda mulinduwe, pele lino njookucita kuti ukabe munzi wabulemu, munooli lutangalo mulinduwe kwamazyalani oonse.

Uyoonywa mukupa wabamasi uyoolelelwa mumaanda aabwami. Ndendilyo noyooziba kuti mebo nde Mwami Leza ndendime Mufutuli wako. Munununi wako, sintanze wa Jakobo.