Popular Bible Verses from Izaya 11

Share

Muuya wa Mwami Leza uyookkala alinguwe, alimwi uyoomupa busongo akumvwisya zintu. Muuya wakulaya anguzu, nguuyoomupa luzibo akulemeka Mwami Leza. Uuyookkomanina kulemeka Mwami Leza. Takabeteki kwiindila mukulanga mbobabede bantu, nikuba kukosola kaambo kwiindila muli nzyamvwa.

Kuya kusyuuka mutabi kuzwa kucisiko ca Jese, kuzwa kumiyanda yakwe mutabi uyoozyala micelo.

Pele uyoobeteka kaambo kamucete mbuli bweelede. Uyoobeteka cabululami kaambo kali koonse kamucete ansi aano. Uyoouma bapenzya amajwi aakwe aalo, bantu babi uyoobajaya.

Uyoolela bantu bakwe mubululami cakusyomeka.

Ali Ziyoni, cilundu cisalala ca Leza, takukooyooba cintu cikonzya kucisa muntu pe, nociba cintu cibi tacikabi mpawo pe. Bantu boonse bamunyika bayoozula luzibo lwa Mwami Leza mbubonya mbuli lwizi mboluzwide maanzi.

Baumpe atubelele bayookkala antoomwe, abalo basiluwe bayoobuta antoomwe ampongo. Boombe bayoocelela aamwi abana babasyuumbwa, boonse bayooembelwa akana kaniini.

Mubuzuba oobo, mwami ooyo walunyungu lwa Jese uyooba mbuli citondezyo cabulelo kumisyobo yoonse. Misyobo iyoomuyobolokela, nkabela busena bwakwe bwakukkala bunooli bwabulemu.