Popular Bible Verses from Izaya 1

Share

Amuboole twaambilane, mbwaamba Mwami Leza. ‘Nikuba kuti zibi zyanu zibe mbuli nkandamalowa ziyootuba buu mbuli buluba, nikuba kuti kazisalala mbuli cisila ziyootuba mbuli lukobo.

Kuti naa kamuyandisya kuswiilila muyoolya bulotwe bwanyika.

amucite zibotu. Amuyandisye ziluzi, amubagwasye badyaminidwe. Amubakwabilile bamusyaala, amubaiminine bamukabafu.

Pele kuti kamukaka akundizangila, muyoolobezegwa apanga.’” Mwami Leza mwini nguukanana eeci.

Amusambe musalale. Amuleke kucita bubi oobu mbomucita nkembwene. Ncobeni, amuleke kucita zitaluzi

“Nomutandabika maanza aanu mukundikomba, nsikamulanganyi pe, nikuba kuti mukakombe kwaziindi zinji zili buti nsikamuswiilili pe. Maanza aanu atila bulowa bunji.

Mutanoocileti zipaizyo zyanu zyabuyo! Atwalo tununkilizyo twanu tundivundausya kumoyo. Nsiciyandi mapobwe aakukkala kwamwezi, masabata akubungana kwanu, zyoonse eezi nsiciziyandi, zilandicima.

Ŋombe ilimuzi simalelo ayo ayalo mbongolo ilimuzi uuisanina. Pele bantu bangu Baisilayeli tabandizi, bantu bangu tabateeleli.”

Ndilaasulide mapobwe aanu aakukkala kwamwezi amazuba amwi aamapobwe aabikkidwe. Alandikatazya kapati ndaliwo ono ndalema.