Popular Bible Verses from 1 Bami 18

Share

Ndivuna O Mwami Leza, ndivuna, kuti bantu aaba bazibe kuti yebo nduwe Leza, akuti uyanda kubaboozya kuli nduwe.”

Lino aciindi litentwa cipaizyo cakumazuba, musinsimi Elija wakaswena kucipaililo akukomba wati, “O Mwami Leza, Leza wa Abulahamu, Izaka, a Isilayeli, tondezya kuti yebo nduwe Leza mu Isilayeli, alimwi akuti mebo ndime mubelesi wako, akuti eeci ndacicita kwiindila mukulaililwa anduwe.

Elija wakainkila bantu akuyoobaambila kuti, “Ino munoodonaika kusikila lili? Naa kuti Mwami Leza ngo Leza ncobeni, amumutobele, pele naa Baali ngo leza amutobele nguwe!” Pele bantu taakwe ncobakaingula nociba comwe pe.

Mpoonya Mwami Leza wakatumya mulilo ansi, wakatenta cipaizyo, nkuni, mabwe, bulongo akuyuminizya maanzi aakali mulwiimbi.

Bantu nibakabona eeci bakaliwaala ansi akwaamba kuti, “Mwami Leza, ngo Leza, iiyi, Mwami Leza ngo Leza!”

Elija wakamutuma ziindi zili ciloba, naakainka wakaakuboola akuzooti, “Ndabona kakumbi kasyoonto mbuli janza kakailamuka kuzwa mumaanzi.” Eelyo Elija wakalailila mubelesi wakwe kuti, “Koya kumwami Ahabu ukamwaambile kuti atante nkalaki yakwe abweede kumunzi niitana mujana mvula.”

Nguzu zya Mwami Leza zyakasikila Elija. Eelyo wakafunka jansi lyakwe walyaanga mucibuno, amane wakazuzaana kumbele lya Ahabu wamwiindila kuyoosika ku Jezuliili.

Mpoonya Elija wakaambila mwami Ahabu kuti, “Koya ukalye, ndamvwa kuzuma kwamvula.”

Waambila mubelesi wakwe kuti, “Koya ukalange kulwizi.” Mubelesi naakainka, waakuboola akuzoomwaambila kuti, “Taakwe aciliko pe.”

Lino aawo Elija wakaambila bantu boonse kuti, “Amuswene aafwiifwi.” Lino bakaswena bamuzinguluka. Wakatalika kubambulula cipaililo ca Mwami Leza cakamwaikide.

Nkabela basinsimi ba Baali bakombe kuli leza wabo, ambebo ndilakomba ku Mwami Leza, ono Leza uutivuwe kwiindila mukutuma mulilo, ngo Leza wakasimpe.” Bantu bakaingula kuti waamba kabotu.

Amane wakabweza mabwe aali kkumi aabili, bbwe lyomwe-lyomwe lyakali kwiiminina mwana omwe-omwe wa Jakobo, ooyo Leza ngwaakaulika zina lya Isilayeli.

Lino acilungu-lungu, Elija wakatalika kubasabwida wati, “Kamupozomokesya ambweni kuli ncaciyeeya! Ambweni uli kusokwe, ambweni uli mulweendo! Ambweni uloona, aboobo mweelede kuti mumusinsimune.”

Nkabela amabwe aayo wakayaka cipaililo ca Mwami Leza. Wakasya lwiimbi kuzinguluka cipaililo eeco, lwakali kukonzya kutilwa nongo zyone zyamaanzi.