Popular Bible Verses from 1 Makani 16

Share

Amuyandaule Mwami Leza, muyandaule nguzu zyakwe, amube kuli nguwe lyoonse.

Amumulumbe Mwami Leza nkaambo mmubotu, luyando lwakwe lutazungaani ndwalyoonse a lyoonse.

Amulumbe Mwami Leza, amukombe mukwiita zina lyakwe. Amulungulule zya milimo yakwe akati kabantu boonse.

Amulikankaizye muzina lyakwe lisalala. Myoyo yabaabo bayandaula Mwami Leza iisekelele.

Amuyeeye zigambya nzyaakacita, amaleele aakwe, ambeta nzyaakaambilizya

Amumwiimbile cakumulumbaizya. Amulungulule zyamilimo yakwe iikankamanisya.

Iiyi, Mwami Leza mupati, uleelede kulumbaizigwa, uleelede kuyoowegwa kwiinda baleza boonse.

Amuzumine kuti bulemu bulimweelede. Amupe zipaizyo, muze kuŋanda yakwe. Amumukombe nalibonya mubulemu bwakwe.

Bulemu abulelo nzizyakwe, nguzu alutangalo zili muŋanda yakwe.

Amwiimbile Mwami Leza nyoonse nobantu bakwe, amwaambilizye mbwafutula bantu bakwe buzuba abuzuba.

Amwaambilizye bulemu bwakwe kumasi oonse, mwaambilizye milimo yakwe iigambya njacita akati kabantu boonse.

Wakati, “Mutabagutaiki basale bangu, mutapenzyi basinsimi bangu.”

Kayi baleza bamisyobo yoonse mituni buyo, pele Mwami Leza nguwakalenga majulu.

Nguyeeya cizuminano cakwe lyoonse, majwi ngaakaambilizya kwamazyalani aali zyuulu-zyuulu.

Nozya mujulu azyamunyika amusekelele, amwaambilizye kuti, “Mwami Leza nguulela.”

Aatembaulwe Mwami Leza wa Isilayeli, amumutembaule lyoonse alyoonse. Lino bantu boonse bakati, “Akube boobo.” Aatembaulwe Mwami Leza.

Amumutembaule Mwami Leza nomikwasyi yamisyobo yoonse. Amutembaule bulemu anguzu zyakwe.