Popular Bible Verses from Loma 6

Share

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.

Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.

Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke.

Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne.

Byonkabyo ne anweba mwafwainwa kulanguluka amba, mwi bafu ku bundengamambo, kabiji mwi bomi kwi Lesa mwi Kilishitu Yesu.

Nanchi tusa kwamba amba ka? Tutwajijilengatu na kulenga mambo amba bupe buvule nyi? Ine kabiji, akyo ne! Atweba twafwile ku bundengamambo tukikalemo byepi?

Nanchi kechi mwayuka amba ko mwipana anweba bene buzha mu kumukookela, kwapwa mwi bazha banji ye mukookela, nangwa mwi ba bundengamambo bwa kumwenamo lufu, nangwa mwi ba lukookelo lwa kumwenamo bololoke?

Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile. Kabiji pa kukasululwa ku bundengamambo mwa aluka ke bazha ba bololoke.