Popular Bible Verses from ROMA 6

Share

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

Ibicom yam bit Nide nimai eisi ba, itig nyeni bimai bit Noni tug hon nitur nyeti dima leu binhyepo ikiju hanyen bibrim ingkek mem niyaijo nijep noyam kin Kristus di kiju leu nimai eisi tug hon Nicig De nisindemti di kei-kau-kei.

Ma jikes jingut nimbumbati nya ei sisar nindati leu binhyepo sisar ba nimbumbati dima yok bibon mun di kinei au. Noro ma jikes jenti ei Allah nindati tereu nok yo di Noni kon yok hanyen leu imai eisi bigyai niyaijo nijep. Ma jikes jenti njem ei Allah nindati leu binhyepo Noni ba jingut bibon mun bit leu ningon kanti.

Ikan tut bipia tirigi ipek Kristus kin biei salib ne ipek Noni bitut ide niyaijo nitimieisi cem ei biei salibti leu binhyepo Noni bindei cut ingut kanti di bon sisar leu nye. Tug hon nisinati dima ne sisar ubon nye bitak kep nye bu bi.

Suar jeni cem ma jiyok ngon kep bipia jindo jimai eisi bak sisar noro jiyaijo tug hon jide ninok gom kin Allahti tug hon Kristus Yesus.

Gi nok lene mipai mindei i? He ma ibon sisar kikau leu binhyepo ibindei Allah nisingat tut nyeti mikum eisi bu e? E bi! Sisar tak kep nye bu bi. Gima rino nggon rino ibon kep sisar kikau bu i?

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu. Allah kwek je leu sisar de nisindemti bibindei ba, nogindini jinok awak mem Allah ningon kantia.