Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi. Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet. Nongkom ne Allah gom ngat rin ba, ningon dorti tut mun nyeng hagom.
Handei kon ba, tungwatu yahagom inggei sut Allah drek dip Yesus Kristus niyai munti nya bijo ninno bijo kikau! Igbit ri.
Nipigo leu dani, Paulus, Kristus Yesus de awak