Popular Bible Verses from ROMA 10

Share

Leu gino aba ahui bisimbot dat “Yesus ne Tuhan ri” leu api aba angon com bipia Allah win Yesus hanyen leu nimai eisi tu apino ayai niteu leu sisarti kin niyaijo nijep.

Lewo iba ingon com Allah leu api Noni joi sut nye biyai ingon kwes kin Noni hanyen. Ba, isimbot dat gima ei yuhui him apino Noni teu nye leu sisar biyai niyaijo nijep binye.

Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

Allah Nihyet pai “Tungwa tou rino ba ningon com Noni ne ningon ngkwei leu bi sren.” Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni. Allah Nihyet pai “Bikwop tungwa tou rino hara Tuhan miyai niteu leu sisarti kin niyaijo nijep.”

Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”

Noro notou tungwatu yahara Noni gino ingon jo kep Noni bi i? Notou ingon jo kep Noni gino imiap nihyet tut Noni bi i? Notou imiap nihyet tut Tuhan gino hi tri tut nihyet biyok bi i?

Kristus yai mun bipek kep Puig Yahudi niggai serti nisindemti tu. Gima rino Allah bindei ba, no di ba ningon com Kristus miyai ningon kwes kin Allah hanyen.