Popular Bible Verses from NINGAT-HI-NGAT NYA 22

Share

Dani ne nimbie him kin nohon keti cem rin ba, Dingat rin ei nitriti kin ningwigsi.”

Yesus pai “Jimiap e, jei bi lene midihwou hanyen! Midihwou sut Ditde munkwas ba, dibirop hanyen bak tungwagom-gom bit leu igyai munti nya.

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.

Yesus pai “Jimiap e, jei bi lene midihwou hanyen! Bikwop yo di ibit nihyet di jo ei srat diniti ingon nggei-hi-nggei!”

Mmun minggai kep yok bu bi ba, isuar mini ninjeng kin mpia njap mem gima piga digai yok bi lewo Allah Nonti piga digai yok. Leu api yoni inok nibou ndig di inyeng tak kep ide limwa nya kikau buug hon nohonti bi.

No di tri tut nihyet di jo ei srat diniti pai “Igbit ri! Jei bi lene midihwou hanyen!” Igbit ri! Tuhan Yesus e, ma akwei! Handei kon ba, Tuhan Yesus singat tut Allah de limwa nya yahagom.

Dani ne Yohanes rin bidisok kep yo di imiap nihyet di jo ei srat diniti ngkiem ser. Gino hi bisinggre bikum eisi lene Allah ba nsuwer ajar di ipas kep ei srat diniti bikum ei no dima nide hukumti. Gino hi bisinggre bicut mun nyeng hi leu nihyet di jo ei srat diniti lene Allah micuon ser nipreu ei mem no dimati di jo ei srat diniti. Leu api no dima micoi ug ei minu ndig di kwes dima biyem biei ngat di bindei bigyai niyaijo dima bi sren.