Popular Bible Verses from NINGAT-HI-NGAT NYA 12

Share

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

Leu api dimiap nihyet di nindig bibor ei gwamti di pai “Nogindini ne tto bou dem mem Allah teu Nide limwa nya ri! Nogindini ne Allah ndo Nide nisindemti rin lewo Noni ne Nibou Ndig ri! Nogindini Nide Nibou Ndig di teu tungwatu nya biyai niyaijo nijep biyok ninyeng tak kep dihyei nisurti-nipekti. Lewo Noni njei no di ya ei Allah Noho bei di pai isut bat yo di ingon jo kep nya kinei bikwop mmun-njap leu gwamti tu.

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

Gima rino gwamti kin je di jingat rin ei gwamti e, ma jingon llei bibor! Noro notou mem tungwatu di ibong ei dihyeisi dini kin muk ngwa dip i? Lewo Bilis srek hwou ndam je tu ba, noni gga bibor lewo kan tut bipia son dideu niyaijo ningwig honti tu.”

Mpe dima lene bihi ikon pran bit yam ei gwamti. Mikhael kin nide malaikati nya ikon pran bit naga nya ba, naga kin nide malaikati nya ikon pran bit Mikhael nya.

Naga gga no di sop nindig bibor leu api ug kon pran bit yo di nindigsi di intun sop him. Yo dini ne yo di ibit Allah niggai serti nya cem ingon gom tut Yesus niyai munti kin ningginausi nya ri.

Gima ngwig leu lene bindo di mindur bibor ttau hak ei mpia-bbed him. Nok sop gom di ba mpia njap bijuk no ba, bibon bed mmun nok bilen mem nimigya. Noni ttin topi mas di ham mpia-bbed him ningat simnaibrimigcan ntun him. Sop dima sindi tta buhun ba, son dideu nisrek tut nimunggwomti. Gima rino hara nyen tut ninghim di dut nindig bibor.

Mpe dima lene sop dima srek tut munggwom nipinai di mininyeng tak kep mben nya yahagom kin tom ngkimom nitu. Noro malaikati gom teu ningwoi-ngwoi dima leu nipmem buusap noni bikui ndam Allah di gwam ei Nide banggo mbrei dip. Sop dima nang ug ei iggum ndigsi ug ei mpia di Allah tin ei mem noni. Leu api Noni nyohou sop dima mem njap sribu gom sratus can ningot muhwindagom.

Leu api bindo di mindur bibor gom kin bu ttau hak ei mpia-bbed him. Nok naga ngwoi di nindig bibor di bon nibou muhwindacan di nibou nggai simnai ntun him ba, ttin topi mas bikwop ei nibou muhwindacan dimati. Noni ba nipu bibrim ham nya nittou nsi gom leu mpia-bbed him bicom hagom ug ei dihyeisi mu lene ham nya nittou nsi can jo. Noni ya ei no di sop noho bei leu binhyepo pinde nimunggwom tirigi srek tut.

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni. Leu api naga hap niji leu minyei nindig bibor di biam leu nuhui bram no di sop leu binhyepo hwen noni. Noro dihyeisi mpu noni bahap niji mem ba, pinde minyei di biam kwei leu naga ninsia.