Popular Bible Verses from MATIUS 6

Share

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

Gima rino ma jingon bos-bos nyen tut mun di mipek kep mem je mem njap di hyep bu au. Mun dima yok hagom jo mem njap di hyep hak ug. Lewo mun di buhun di micut igkep nye mem njap gom ngat dini ne dem mem njap ndia he.”

Gima rino ma jingon bos-bos nyen tut njita di jiyem kin ndia ngei di jidut kin sinsun di jijuk au. Lewo jide niyaijoti bon ninyeng dor njiriek njita di jiyem. Jingut bon ninyeng dor njiriek sinsun di jijuk.

Noro tirigi je jingat nadi lene ma jicoi ug ei jide nghim nsi ba, jinggam mbou ser je leu api jingat nadi bak Jicig di tungwatu nya ingat bou igyai him bi. Apino Jicig di ngat mun di jo nding hagom bou niyai him mibindei ba, jimuhup tau bije.

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem. Nani ne nyende Nibou Ndig ri. Akwei bindei ba, anyeng tak kep dihyeisi dini hagom leu binhyepo tungwatu nya yahagom ibit ahyet noyam kin Ade nipai testi ei gwamti nya di ibit ahyet.

Akwas njita di nisuar mem njap di ammani tut nye.

Akos ser mun di niyai tunggwei sut Na bit leu nok nyeni cem nikos ser hiter nya ide mun di igyai tunggwei sut nye.

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

Gino jikos ser hiter ide mun di igyai tunggwei sut je ne Jicig nyo kug ei gwamti cem mikos ser jide mun di jiyai tunggwei sut Noni.

Ma jingat ha di idimba-dimba nyen nya di indim njita ngan bigyai njita ngat kwei binju hagom ei igudanti bi. Mbro nok gima lo, Jicig ei gwamti nyohou yok! Jibok kak bibor dor njiriek ha dima yok bu.

“Ma jimbus ndigban kin mitiei keyam mem jenti ei dihyeisi dini au. Leu gima yok awam mikkin ba, prap yem lene yo di imbrai nya minggek dimbou binggimang cem. Noro ma jimbus ndigban kin mitiei keyam mem jenti ei gwamti lewo bit bon awam kkin bi lene prap yem ba, yo di imbrai nya inggek dimbou binggimang cem ei gwamti kan bi. Lewo jingon llei ndam mpia ttou nsi di jimbus jide ndigban kin mitiei kikep keyam eisi!”

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

Gino Allah pai tes mitou di kieng ammani leu api njap di hyep bu mui hanyen ba, tungwatu nya indig bingwig ne Noni minyohou jeni cem bi e? Mei! Jiba jingon com Noni haigtu bi e?

Noro tirigi jingondut yo di yuhui mbum nya lene ma mun di jiba jinda com biyai dima ne jinda prak kan tut au. Apino mun di jibingondut yo dima mijo nding leu tungwatu nya igyai him. Jicig di ngat mun di jo nding hagom bou niyai him mibindei ba, jimuhup tau bije.”

“Jimiap e, harin dima jiyai Allah nicuk nyeti nya bou tungwatu nya igyai him a. Leu gino jiyai gima bou tungwatu nya igyai him ne Jicig ei gwamti mibindei ba, jimuhup tau bije bi.

“Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu. Noro gino jiyem njita bi mem nituti poi lene ma jipiap jiimaisi bijipri jibou cem. Leu binhyepo hiter ingat jide niyem njita bi mem nituti poi dima bi. Noro Jicig nyo kug di bit bon tungwatu nya ingat bou igyai him bi Nongkom ngat je tut jiyai munti dima. Leu api Jicig di ngat jiyai munti di jo nding bou niyai him mibindei ba, jimuhup tau bije.”