Popular Bible Verses from IMAM NYA IDE MIDYAI 26

Share

Midingat rin bit je. Midinok jide Allah lene mijinok Ditde limwa nya.

lene midibindei ba, biget but mpe di jisuar biget apino njita ningat mintun jide miaisi him ba, biei ngat mintun jide biei nda nya him.

Gino jiyaijo bit leu nok dikos tutti nya ba, jibit dicuk jeti nya

Midibindei ba, mpia nimbu-brati mikieng kep jide minu dima apino mijibong mai lene jittin tut jide siceu nya hi bi. Midicok tut mindhe-ndhe di niten-pos nya leu minu dima ba, nikon pranti mikieng kep jide minu bu bi cem.

Midinjei mun di kei bak jeni lene midibindei ba, jignyot bat kin jidrot bat nya imang bibor. Midibindei ba, gi preu po dipreu ei mem jeni pima mipek kep mem je.

Dani ne TUHAN ba, jide Allah di teu je bijingwes ngun leu minu Mesir leu binhyepo jinok awak bu bi ri. Dibindei dahat nisindemti di co kep je pima tu leu api dibindei ba, jiyati kwes.”

Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

Lene TUHAN pai “Harin dima jibon kwar bou jinda him ba, jiwin kwar kin nidihim tig di jikilis mem gima jikuk je bak a. Dani ne TUHAN ba, jide Allah ri.

Njita ngat di mpung bipias hagau mintun him jide miaisi nya ba, mijiyem kep njita dima kikau mem nijam ari bingwam nitindur gom. Nipek kepti dima mibindei ba, jicom njita ningat gi nitimiei di jike kin yam leu leu binhyepo bon ningwakti mem gima jinju njita ningat di sindi ntun him hagom eisi bu.

Mijiyai nisindemti mem gima jibou muhwi he di jikon pran igkei jibindei timek ibou sratus gom. Lene mijiyai nisindemti mem gima jibou sratus gom di jikon mbrap igkei he jibindei timek ibou sribu simnai.

Njita ningat nindig bibor mintun him jide miaisi nya apino mpe di tto bou dem mem jipuk ba anggur ngat lo, no jike jide gandum nintam hagom kin yam yo. Ba, mpe di tto bou dem mem jigimahap gandum ngan lo, no jipuk kep ba anggur ngat yo. Jide njita midem mem jiyem kep jinggum dor njiriek ba, mijibong kei jigwam kei ei jide minu dima.

Mijiyai nisindemti mem jibindei timek jide siceu nya.

Ma jibit Njap Nigwam Kep Ninghuisi kin njap ndig nindigsi nya nicukti nya. Lene ma jiba jibou coi mem Dani ei gumihyep di jimbus pijum ei mem jikuk je bak Dani eisi. Dani ne TUHAN ri.