Popular Bible Verses from EFESUS 6

Share

Lewo nyeni ikon pran bitindei ser tungwatu dihyeisi dini bi noro itindei ser ninnei di kinei di inyeng tak kep nijam di kinei dini yahagom ide nisindemti. Ikon pran bitindei ser ninnei rom di inyeng tak kep mpia-bbed him nya ide nisindemti.

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

Ma jijuk sinsun pran di Allah yai bije titut yam leu binhyepo dem mem jibiya ser ba, jibikon pran bit Bilis ei mpe dino noni ba nisinati di kinei bicom biei mpup ris je.

Gima rino nogindini ma jijuk sinsun pran di Allah yai bije! Leu binhyepo jidem mem gima jitindei ser siceu nya di icut igkep je mem nijam di biang mun di kinei. Ba, tirigi jikon pran buug ei ningwigsi lene je hei nok nikon pran cig.

Ma jikon niba ningon comti kin je nok hong di ndok di jibipukep Bilis de tibor di cig-cai nya hagom. Ma jiyai niteu leu sisar kin niyaijo nijep kin je nok topi pran. Ma jiyai Allah nihyet di Ninnei su bije kin je nok singau simeda.

Gima rino ma jitindei ser! Ma jiyai ningon di gom kin je nok bang di jibikri kep jintig boua. Ma jiyai jide ningon sren kin je nok sinsun pran di jijuk ser jingget a. Ma jiba nice tut nibit nihyetti bitri tut Nihyet Di Kei di biyai ningon jo nyahan kin je nok srop di jijuk ser jimig joua.

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

Allah nihyet pai “Ma jikon jicig bat-jipmem bat nya inyenga.” Ba, gini ne nicukti di bitut Allah nipreu ei mem nyeti gi nigom rin ba, nipreu eisi dima pai, “Leu binhyepo jibong kei jigwam kei ba, jide njap jei ei dihyeisi dini.”

Munggwom jen! Ma jibit jicig bat-jipmem bat nya ighyet noyam kin munggwom di ingon jo kep Tuhan lewo gini igbit ri.