Popular Bible Verses from NIBA NINGON SRIP HUKTI 12

Share

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

Ma je di pilei nya jiyok ngon kep jide Nipai Tes Mun Cig nipou tirigi nijam ningon buhunti tau kep je bigyo. Leu mpe dima lene mijikan “Singon llei mem nijam di siyaijo dini bu bi.” Mpe dima lene ayai mmui bibindei ba, mpia njap kin bed mmun kin ham mpia bbed-him nya pimber bou ayai him leu api bumbuhui di biang biget tap kwei hanyen bijo kikau nok mun di bihwen bit na.

Mpe dima lene lante di iba perak bibon mibitun. Njeng mbrei di iba mas bibon micut biki bingwig. Kuk di yuhuk tut dibijig di ibitau minyei leu minyei bousi mibitun apino dibijig kimbo binnir-wap. Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

Gima rino dimbrap gi ningwig honti “Mun dima yok hagom mikui-kausi he. Hagom bon nisinati ba, ingon dorti tut cem bi.”