Popular Bible Verses from PETRUS GI NICAN 2

Share

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.

Gino ikan tut puig di bie ndam ningon srenti habiei bi sren lene gima kei bibor leu gino ikan tut tu leu api ikou sut gi ibit Allah De nicuk yokti di kwes-kwau. Mun di pek kep mem yok dem igbit leu nok srat Amsal nipas kepti “Nsien ngkwei biyem kep ninjim hanyen.” Lene nok gi ipas bu “Na di tungwatu nya ipiap ei minyeiti bipwoi kei nya ingkwei bitoi igtui hanyen.”

Guru nitrowai nya itto ei mem yok bipia ikwek yok leu mun di kat yok noro yonti inok awak mem igyai kepti di kinei di kat yok. Gino mun nyeng hi bindei cut tungwatu ne no dima nok awak mem mun di bindei cut noni dima.

Gino tungwatu nya ingwes ngun leu mun di kinei di srou yok ei dihyeisi dini tug hon gi ingon dorti tut ide Tuhan Yesus Kristus di teu nye leu sisar biyai niyaijo nijep binye ningon kanti lo, ingkwei kep mun di kinei di srou yok dima hanyen bu lene puig di ikak ei niabiati kinei bibor dor njiriek puig di ikak ei nibieti.

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.