Popular Bible Verses from TIMOTIUS GI NIGOM 6

Share

Suar ador sindem bibor kak puig tug hon ade niba ningon com Kristusti kikau ug bipek nipekti leu binhyepo ayai niyaijo nijep di jo kikau. Lewo Allah hig na mem gima ador sindem kak puig dima nipou tirigi atri tut ei yo di imang bibor yoho bei bipia angon jo kep Kristus.

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.

Ningat ne niba ningon com Kristusti bindei ba, bihi inyeng bibor gino ingon cut hon mun di jo biyok.

Lewo ipwoi mun nyeng hi kwei ei dihyeisi dini bi ba, bit bon ipwoi mun nyeng hi biyuug sut leu dihyeisi dini cem kan bi.

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

Lewo yo di ibisau sut ninyeng biborti ibiam bon di srou yok. Ba, bon dima ribindei dino iba yoho rok mun di bon ninyeng bi kin mun di binggek yok cem ba, gima hagom ngot kep yok lene bindei timek yok bingwig hak.

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem. Tug hon nisinati dima lene yoni minju mun di kei di pror yon kan bi keyam binok nitriti mem nijam di nidipti bu. Leu api idem mem gima igyai niyaijo nijep di jo kikau ba, niyaijo dima ne niyaijo di nijit-jau ri.